Kalaallit Nunaanni Timersoqatigiit Kattuffiat Peqqissutsimullu Naalakkersuisoqarfik 3. december 2016 ”Maligassiuisut Show”-mi, atiata ersissinneratut peqqissutsikkut timersornernikkullu  suliniuteqartunut maligassiuisunik  nersornaasiiniarpugut.

Nersornaasiinermi suliffimmi, atuarfimmi, inueqatigiinnilu aalanerunermik suliniuteqartut  aamma nersornaasigaassapput. Suliniutit allanit isumassarsiutaalluarsinnaasut ulluinnarni aalanerulersitsinermik suliniutillit.

Sooruna pingaaruteqartoq inunnik piffinnilu assigiinngitsuni nutaanik pitsaanerusumillu timersornermi peqqinnermilu suliniutilinnik nersorniaanissaq? Nersornaasiinermi anguniarneqarpoq maligassiuisut ulluinnarni peqqinnermi timersornermilu suliniutillit sungiusaasut, aqutsisut aallartitallu atuarfinni, inuiaqatigiinni, suliffinnilu siuarsaaqataasut nersorneqarnissaat.
Uku inuit pinngitsoorsinnaanngisagut aallartitaasartut isumassarsiuisarnerat inunnut allanut suliniuteqarusulersitsisartut ”Maligassiuisut Show”-mi qitiutillugit nersorniarneqassapput.

”Pigaaruteqarluinnarpoq suliniutigisartagaat annertuut namminneq piumassutsiminnik ingerlattagaat nersorniarneqarnissaat. Annertuumik kivitseqataasarnerat peqqissutsimut isumalerujussuuvoq.
Pigaaruteqarpoq oqaluttuat nuannersut aamma suliniutit nuannersut oqaluttuarinissaat, allanut isumassarsiutaasarmata suliniuteqarnissamut aalanerunermik siuarsaanissamut”. Oqarpoq Peqqissutsimut Naalakkersuisoq, Agathe Fontain.

”Maligassiuisut Show” toqqaannartumik aallakaatinneqassaaq KNR TV-kkut 19.00-miit 20.30-mut, nuna tamakkerlugu periarfissinneqarpoq pisumut malinnaanissamut, piukkussat nersorneqartullu takunissaanut aamma pisumi nuannaarnerup maluginissaanut. Nipilersoqatigiit INUK nipilersussapput, aaqqissuussallu ingerlanerani aliikkusersuisoqassooq unammisitsisoqassallunilu.

Unnuup ingernanerani Kalaallit Nunaanni pikkorivissortut angusaat Elite Sport Greenland-imit nersorniarneqassapput, ”Ukiumi takutitsilluarnerpaaq” nersorniarneqassaaq aamma inuk imaluunniit iligiit takutitsilluarsimasut ”Hall of Fame”-tut nersorneqassooq/ssapput – taamaasilluni/tik inuiaqatigiinnut timersornermi nalliuttorsiutigineqassalluni/tik ”Maligassiuisut Show”-mi.

Unnussiuaarnissaq qilanaaralugu timersornerup peqqissutsillu aqqani, tamassi tikilluaqqusaavusi – Hans Lynge Inersuaani Katuami (isissutissanik pisisoqarsinnaavoq Katuap nittartagaani) imaluunniit aallakaatinneqarnerani TV-kkut. TAKUSS!