Ataata anaanalu tamarmik qitiutinneqarput ataatsimoorlutillu periarfissinneqassapput inuunermik kingumut qiviarnissaanut, maanna sumiinnermik eqqarsaatiginissaanut aamma meeqqamik siunissaa pillugu takorluukkamik ilimagisamillu misissornissaannut. Takorloorparput angajoqqaangortussat tamarmik ilaqutariinni nutaamik meerartaqarlutik aallartilluarnissaat.

Ilutigisaanik MANU suliniutaavoq annertuumik anguniagalik, tassami anguniarparput nunami tamarmi angajoqqaat tamarmik peqataanissaminnut periarfissaqarnissaat. Angajoqqaat ataatsimoortillugit ilinniartinneqarnerusassapput, kisiannili kisermaanik/aappariinnik ilinniartitsinissaq aamma periarfissaqar-poq.” suliniummi aqutsisoq Rikke Louise Kuhn oqaluttuarpoq.

Meerartaartussanngorneq ilaqutariit inuunerannik annertuumik allanngortitsisarpoq. Angajoqqaajuneq nuannaarutissartaqartarpoq, unamminartoqarluni, ilungersunartoqartarluni, tupaallannartoqartarluni quianartorsiffiusarlunilu. MANU sumiiffinni ataasiakkaani ingerlanneqartassaaq, angajoqqaallu najugaqarfianni pissutsinut naleqqussagaalluni. Qulingiluariarluni naapeqatigiittoqartassaaq, naapeqatigiin-nerillu tamarmik akunnerit pingajuat affarmik sivisussuseqartassallutik. MANU-p ataata anaanalu aappariittut qitiutippai, kisianni meeraq kisermaakkaanni ikinngummik ilaquttamilluunniit ingerlatsinernut qulingiluaasunut ilaqarnissaq ajornanngilaq.

Angajoqqaajunerup nuannersuisa MANU.-mi pingaartinneqarnerisa saniatigut, ataatsimoornernut aammattaaq ilaapput ajornartorsiutinut angajoqqaanngulernermi naapittakkanut naleqqiullugu ikorfartuinerit. Soorlu arnaq kisimiilluni napparsimavimmut erniartortariaqassatillugu. Angajoqqaat an-gajoqqaatut piareersaanermut peqataanermikkut angalanissaq pineqartoq ataatsimoorlutuik piareer-sarsinnaavaat. Tigussaasutigut misigissutsinullu tunngasutigut.

MANU suminngaanneerpa?

MANU-p taarsissavaa ’Meeqqamut Piareerneq’, 2009-miilli nunap ilaani neqeroorutaasarnikoq. Najoq-qutassiaq ilinniartitsinerlu tamarmi suliffeqarfimmit imminut pigisumit ’God Barndom’-imit Namminer-sorlutik Oqartussanut suliaavoq. MANU Kalaallit Nunaanni pissutsinut naleqqussagaavoq, sulisut kalaallit angajoqqaanngortussallu qanimut suleqatigalugit.

MANU-mi ilinniartitsisartussat tassaassapput isumagiinninnermi peqqissaanermilu sumiiffinni ataasiak-kaani suliaqartut, najoqqutassap atornissaanik ilinniartinneqarlutillu sungiusareernermikkut angajoq-qaanik ilinniartitsisartussat.

Angajoqqaanngortussat soqutiginnittut annertunerusumik paasisaqarsinnaapput juumooq/ernisussiornermi ikiorti/meeqqerisoq saaffigalugu.