Innuttaasut sumi najugaqarneq apeqqutaatinnagu peqqinnissaqarfimmit qaffasissumik pitsaassusilimmik sullinneqarsin-naanissaat, qarasaasiakkut nakorsiartitsisinnaanikkut qulakkeerneqassaaq. Napparsimasunut kiffartuussinerup pitsaassusaata qaffannerata peqatigisaanik angalanermut aningaasartuutit annikillisinneqarnerisigut, nukiit napparsimasunik nakorsaanermut atorneqarsinnaanngussapput. Tamannalu peqqinnissaqarfiup aaqqissuussaanerata nutaamik pitsaanerulersitsisumillu eqqarsaatiginissaanut periarfissiivoq. Unammilligassat suussappat suullu maluginiagassaassappat?

Kalaallit Nunaanni Norgillu Avannaani ilisimatusarneq
” Kalaallit Nunaanni innuttaasut qarasaasiakkut nakorsiartinneqarneq pitsaasutut- peqqinnissaqarfimmullu attaveqarnermut -pingaartumik inoqarfinni annikitsuni nutaamik periarfissiisinnaasutut isumaqarfigigaat, ilisimatusarnitta takutippaa. Peqqin-nissaqarfimmi qarasaasiakkut nakorsiartitsisarnerup allatut atorneqarsinnaanerata innuttaasunit isumannaatsutut misigi-neqarnissaa, sulisullu periuseq nutaaq atorlugu peqqinnissaqarfimmit sullinneqarsinnaaneq pillugu paasissutissanik inger-latitseqqiisinnaanissaat pingaaruteqarpoq”, taama oqarpoq peqqissaasoq ineriartortitsinermik immikkut ilisimasaqartoq Lasse Overballe Nielsen - Hans J. Krebs peqatigalugu qarasaasiakkut nakorsiartitsisarneq pillugu Kalaallit Nunaanni innuttaasut isumaannik misissuisimasoq. Ilisimatusaatigalugu misissuineq ilaatigut Aarhus-imi Ålborg-imi universitetit, Syddansk Univer-sitet, Ilisimatusarfik nunarsuarlu tamakkerlugu ilisimatusarnermi attaveqatigiit ATTRN suleqatigalugit ingerlanneqarpoq.
Nakorsaanermut atatillugu immikkut ilisimasaqarfinnut sunut qarasaasiakkut nakorsiartitsinerup annertuumik pingaaruteqarnera pillugu apeqqummut tunngatillugu, Gunnar Hartvigsen University Hospital of North Norway- Norwegian Centre for eHealth Research-imeersup Norgip Avannaani qarasaasiakkut nakorsiartitsisarnerup oqaluttuassartaanik misissuineq ingerlappaa. Taassuma ilaatigut qinnguartaalluni assiliineq, aammik akuluiaaneq, tarnikkut nappaatit, ammikkullu nappaatit qarasaasiakkut nakorsiartitsinermut ilaasarialittut imal. ilaasussatut tikkuarpai.

Kalaallit Nunaanni periuseq
Tarnimikkut ammikkullu nappaatilinnik qarasaasiakkut nakorsiartitsineq Kalaallit Nunaanni atuutilersinneqareerpoq. Tamatuma saniatigut isikkut sianiuteqarfitsigullu nappaatinut tunngasunut, nunaqarfiit illoqarfiillu akornanni napparsimasut pinasuagassat pilersaarutaasullu pillugit attaveqatigiinnerni, qarasaasiakkut nakorsiartitsisoqartarpoq.
” Isumatusaarneruppat qarasaasiakkut nakorsiartitsisarpugut. immikkut ilisimasaqarfinni aammattaarli pinasuagassani, nap-parsimasoq nakorsarluunniit allamut angalanngikkaluarluni, napparsimasumik naliliiviginnissinnaaneq nakorsaasinnaanerlu isumatusaarneruvoq. Innuttaasut sumi najugaqarneq apeqqutaatinnagu peqqinnissaqarfimmit sullinneqarnissamut assigiimmik periarfissinneqarnissaasa qulakkeernissaa qitiutinneqarpoq,” taama oqarpoq nakorsat qullersaat Anne Marie Ulrik, immikkut ilisimasaqarfiit sapinngisamik amerlanerpaat qarasaasiakkut nakorsiarfiusinnaanngornissaannik suliniuteqartoq.

Kalaallit Nunaanni qarasaasiakkut nakorsiartitsisarneq ukiuni kingullerni siuariarujussuarpoq immikkullu ilisimasaqarfiit am-mikkut, isikkut sianiuteqarfitsigullu nappaatinut tunngasut pilersinneqarsimallutik- kingullerli misiliutitut iluatsilluartumik inger-lanneqarluni. Immikkut ilisimasaqarfinni sulisut nakorsaanernut nakorsianullu ikiuuttussat ilinniartinneqarput. Tamatuma saniatigut isinut tunngatillugu atortorissaarutit aningaasaliiffigineqarnerisigut Kalaallit Nunaanni isimikkut nappaatillit ass. Qallunaat Nunaanni isimikkut nappaatilinnut sanilliullugit, pilertornerusumik isit nakorsaannut nakorsiarsinnaanngorput.


Paasissutissat sukumiinerusut pissarsiariniarnerini attavissat:
Paasissutissanik allanik pissarsiniarnermi aaqqissuisut ilaannut ukuusunut attaveqartoqarsinnaavoq: Gert Mulvad oqarasuaat: 483253 / e-mail: gm@peqqik.gl imal. Suzanne Møller oqarasuaat 551328 / e-mail: sum@uni.gl