Taamaattumik Namminersorlutik Oqartussat, Peqqissutsimut Naalakkersuisoqarfik katsorsaanermut tunngasup ilaa tamanut ammasumik neqeroorutigaa. Neqeroorutip siunertaraa katsorsartinnerup nalaani innuttaasup angerlarsimaffianut qanin-neruniassammat.

Neqeroorut immikkoortunik qulingiluanik isumaqatigissutitaqarpoq, imigassamut, ikiaroornartumut hash-imut aamma aningaasanoorajunnermut katsorsaanermik tamarmik tunngasuullutik.

Isumaqatigiissummi qulingiluaasuni annerpaartaraa aalajangersimasumik Nuummi ukioq naallugu ingerlasussaq nunalu tamakkerlugu innuttaasunut katsorsaanerus-salluni. Isumaqatigiissutit sinneri arfineq pingasuusut, ataasiarluni marloriarluniluunniit kommunini katsorsaaneq ingerlanneqartassaaq, taakku innuttaasut amerlassusaat malillugit agguataarneqarput katsorsaanerlu assersuutigalugu 20-nik inuttalinni ingerlanneqartassaaq.

Nutaatut taaneqarsinnaavoq naatsumik sakkortuumillu katsorsaaneq tassani ilaqutariinni katsorsaaneq ilaalluni, katsorsaanerullu ilagissavaa oqarasuaat IT-lu atorlugit malitseqartitsineq. Katsorsaanerit taamatut ingerlasut innuttaasunik illoqarfinni mikinerni nunaqarfinnilu najugalinnut pitsaanerusumik katsorsaanerulersitsissaaq.

Neqeroorut novemberip 21-ani 2016, nal. 09.00 kitaata nalunaaqutaa malillugu killeqarpoq. Uani paasissutissanik sukumiinerusumik neqeroorummi nalunaarut tamanut saqqummiussinermi takusinnaavat:

http://www.businessingreenland.gl/kl-GL/Udbud/Aktuelle-udbud

Attavissaq: Inatsisileritooq Therese Lind Benhardt, Qitiusumik Pisiortortarnermut Allaffik, e-mail THLB@nanoq.gl