”Peqataasut isumannanngeqaat,” taama oqarpoq Nuummi Peqqinnissaqarfik Ser-mersuumi nakorsat pisortaat Jesper Olesen. ”seeqqunik naggussanillu allanik pillutoor-nerit ajoqusernerni akulikinnerupput,” nakorsaq ilisimatitsivoq nangillunilu ” Ataatsip unitsinneqarnerata saniatigut sap. akunnera pisoqarfiunngilaq”

Iliuusissatut siunniussat upalungaarsimanerlu

Nunatsinni pisortaqarfittut allatuulli, peqqinnissaqarfiup aamma illoqarfiit pingaarner-saanni AWG –toqarnissaanut atatillugu inuppassuarnik tikeraartoqarnissaq tunngavi-galugu, upalungaarsimanissaq siusissukkut aaqqissuuppaa.

” aaqqissuussinermut atatillugu ajoqusersinnaanerit ajutoorsinnaanerilluunniit nali-liivigaagut, tamannalu tunngavigalugu iliuusissanik siunniussilluta,” Jesper Olesen nas-suiaavoq.

Iliuusissatut siunniussinermi -ass. sulisoreriikkat saniatigut peqqissaasumik ulluk-koortumik unnukkoortumillu sulisoqarnissaq, ajoqusersimasunut nakorsiartarfimmi ulluk-kut sulisooreersut nakorsamik ataatsimik ilaneqarnerat tamatumalu saniatigut saanertigut naggussatigullu nappaatilinnut immikkoortortaqarfimmit, timimik sungiusaavimmit kigutilerisuniillu ikiulertorneqarsinnaaneq ilaatinneqarput.

Ajunngitsumik pineqarneq

Illoqarfik taama inunitsigigaluaq ajoqusersimasunut nakorsiartarfiliat amerlane-rungaanngillat.

”Nakorsiat pisarnermiit amerlanerungaanngillat, Jesper oqaluttuarpoq,” taannali unammiuaarnermut atatillugu nakorsartittunut tunngatillugu kisitsisit suli nammassi-neqanngimmata erseqqinnerusumik taasaqarsinnaanngikkallarnerarpoq.

Unammiuaarnerulli nalaani Kalaallit Nunaanni peqqinnissaqarfimmik naapitsisut ajunnginneraapput nakorsartinnerminnillu iluarisimaarinnillutik.

”Inuit naammagisimaarinninnertik oqaatigaat ikiorluarneqartutullu misigalutik,” Jesper Olesen naggasiivoq.