Unammisitsinermi sammineqarpoq Klassi pujortarfiunngitsumi inersimasut akisussaaffiat, Peqqissutsimut Naalakkersuisoqarfimmut qaammarsaarnermi atorsinnaasunik amerlasuunik isumassarsianillu pitsaasunik tigusaqarsimavoq qanoq pujortarfiunngitsoq ingerlanneqarsinnaasoq klassit 12-t unammisitsinermi peqataasimapput.

- ”Ajugaasussatut toqqagassat nassaarinissaat piuminaassimapput pitsaasut amerlammata. Ukioq manna ajugaasut klassit marluk tunniussaat assigiinngitsorujussuusimapput qanoq iliortoqarsinnaanera pillugu. Ajugaasut marluullutik sammisaq kusanartumik isumassarsiullaqqinnermillu takutitsipput. Peqqissutsimut Naalakkersuisup Doris Jakobsenip ajugaasut pilluaqqorujussuarpai.

• 1.-8. klassit Aadap Atuarfiani ajugaatinnerinut peqqutaapput ukua:
• Atuartut takusassianik kusanartunik suliaqarsimapput ersersillugu pujortarnerup timimut sunniutai ajortut.
• Atuartut isumassarsiorsimapput assigiinngitsunik nutaaliorlutik unamminermi. Cigaretit kimmivikui katersoriarlugit kisillugit nalingi naatsorsorlugit.

Pinaveersaartitsineq eqqarsaatigalugu pisiniarfik meeqqerivillu suleqatigisimavaat, taamaasillutillu oqariartuut amerlanernut sunniuteqartillugu.

Klassit Pujortarfiunngitsut 2015 toqqarneqarput.

6.x Tasiilami Alivarpi normu 2-upput uku peqqutigalugit:

• Atuartut oqaluttualiorsimapput, pitsaasumik isumalimmik oqariartuutilimmillu, meeqqanit inersimasunillu paasineqarsinnaasumik.
• Oqaluttualiorneq oqariartornermi isumassarsiaavoq nutaaq, isumassarsiorluarnikkut qalipaasersuinikkut titartakkatigullu unammisitsinerup oqariartuutaa takutillugu nuannersumik piuminartumillu.

Oqaluttualiorneq uani atuaruk (qallunaatut).

Piffissami 16. december 2015 – 13. januar 2015 ajugaasut suliaat Nuummi nunatta atuagaateqarfiani saqqummersinneqassapput.

Klassi pujortarfiunngitsoq pillugu uani atuaruk.

Annerusumik paasisaqarusukkuit attavigineqarsinnaavoq Naalakkersuisup allattaa Rosa Thorsen mobil: +299 55 33 03 imaluunniit e-mail: rosat@nanoq.gl