Inuussutissat Timigissartarnerlu pillugit Siunnersuisoqatigiit Peqqissutsimut Naalakkersuisoq siunnersortarpaat inuussutissanut timigissarnermullu tunngasutigut.

- ”Kim Godtfredsen atorfimmini sulissutigiuartarsimavaa meeqqat inuusuttullu akornanni timersorneq ilaatigut pilersissimallugu Kattuffik Atuarfimmi Timersorneq. Peqqissutsimut Naalakkersuisoq Martha Lund Olsen oqarpoq Kim pingaarutilimmut annertuumik sunniuteqarsinnaasoq meeqqat inuusuttullu akornanni.

Inuunerittap anguniagaraa innuttaasut timimik aalatitsisarnermik inooriaatsimik attatsiinnarnissaat, inuunermi sivisuumik timimik atuisinnaanerup qulakkeerneqarnissaa anguneqaqqullugu, aamma pualavallaarnerit nappaatillu allat amerliartunnginnissaat anguneqaqqullugu.

2013-2019-imut iliuusissat ukununnga sammitinneqassapput:

• Meeqqanut inuusuttunullu 18-it inorlugit ukiulinnut atuartunut tamanut ullormut nal.ak. ataaseq timimik aalatitsinissap qulakkeerneqarnissaa pillugu pilersaarusiortarnissat.
• Suliffeqarfiit annerumaat issiaannarnerulluni suliffiusartut tamarmik suliffiup nalaani timimik aalatitsisinnaanermik sulisuminnut qularnaarinissaat.
• Timip aalatinneqarnissaanut innersuussutit atuuttut eqquutinneqarnissaannut innuttaasut tamarmiusut periarfissaasa pitsanngorsarnissaat.

Inuussutissat Timigissartarnerlu pillugit Siunnersuisoqatigiit pillugit uani annerusumik atuagaqarsinnaavutit.

Annertunerusumik paasisaqarnissamut attavigiuk peqqinnikkut siunnersorti Margit Sander Granlien oqarasuaat: +299 34 66 38 imaluunniit e-mail: masg@nanoq.gl