Atuaqatigiit ajugaasutut toqqarneqarnermik saniatigut akissarsiassarititaq 30.000 kr.-iusoq aamma pissarsiarissavaat.

Atuaqatigiikkuutaat quligiluat unammisitsinermut peqataarusullutik nalunaarsimapput.
Unammisitsineq atuarfinni akullerniittunut tunngatinneqarpoq.

2014-imi pujortartarnerup pinaveersaartinnissaanik iliuuseqarfiginissaatut ukioritinneqarpoq. Malugineqarsinnaavorlumi, ukioq manna unammititsinermi Atuaqatigiit Pujortartuunngitsut 2014, tassami suliassaammat pujortartuunnginnerup qaammarsaaviginera imaluunniit susassaqartitsilluni aaqqissuussineq klassimuinnaanngitsoq atuarfilli tamakkerlugu.

Suliassap qanoq naammassinissaanik arlariinnik siunnersuutinik tigusaqarsimavugut.

Kangersuatsiami 6-7. Klassemi atuartut ajugaaneranni makku tunngavilersuutaapput:
• Quppersakkamik paasissutissanik ilisimasassanillu pujortartarnerup ajoqutaanik imaqartumik sanasoqarsimavoq, atuarfimmiinnaanngitsoq nunaqarfimmiunulli tamanut isumassarsiorfiusinnaasumik.
• Naatsorsuusiortoqarsimavoq aningaasat qanoq amerlatigisut pujortartanngikkaanni sipaarneqarsinnaanerinik.
• Atuaqatigiit ilaannit pujortartarnermut tunngasunik piviusumik oqaluttuat, kiisalu taakku siunnersuutaat qanoq pujortartarnerup oqaluuseralugit inuusuttunut pinngitsoortinneqarsinnaaneranik.

Annertunerusumik paasisaqarusukkaanni saaffigineqarsinnaavoq:
Peqqissutsimut Nunanillu avannarlernik suleqateqarnermut Naalakkersuisoqarfimmi peqqinnissamut siunnersorti, Nadja Frederiksen, +299 346676, e-mail nafr@naoq.gl