Nakorsamut attaveqarniarnermi oqarasuaat: attaveqarniarnermut piffissamik sivikilliliineq
Decembarip ulluisa arfineq pingajuanniit 2014 Dronning Ingridip Peqqissaaviani nakorsamut attaveqarniarnermi oqarasuaat nr. 80 11 11 ulluinnarni nal. 8.15-ip 8.30-illu akornanni ammasalissaaq.
Piffissap sivisuup ingerlanerani nakorsamut attaveqarniarnermi oqarasuaammut sianertut amerliartorusaartuarsimapput. Tamanna nakorsat innuttaasunik nakorsiartitsinissaannut piffissakinnerulernermik kinguneqarpoq. Innutaasut oqarasuaatikkut piffissaliussap iluani sianertut, pisarnertut peqqinnissakkut ilinniagalimmik oqaluussinissamut utaqqisassapput.
Nakorsat pisortaat Jesper Olesen ima oqaaseqaateqarpoq:
- Suliniummi matumani oqarasuaatikkut nakorsamik attaveqarniarlutik utaqqisut kiffartuunneqarnissaat ullorlu taanna peqqinnissakkut ilinniagalimmit naliliivigineqarnissaat qulakkeerniarneqarpoq.
Dronning Ingridip Peqqissaaviata neqeroorutai
Innersuunneqarnissaq, misissortinnissaq piffissamillu inniminniiniarneq anguniarlugu, oqarasuaatikkut nakorsamut attaveqaqassaatit. Dronning Ingridip Peqqissaaviani neqeroorutit allat ataani tulleriiaarlugit allattorsimapput tamatigullu nittartakka-mi www.peqqik.gl takuneqarsinnaallutik.
AKEQANNGITSUMIK OQARASUAATIKKUT PIFFISSAMIK INNIMINNIINEQ, MISISSORTINNISSAMUT INNERSUUNNEQARNEQ: 80 11 11
Piffissaq inniminniiffissaq nal. 08.15 – 08.30 (8. decembari 2014)
PINASUAGASSAT
Ambulancimut normu: 344 112, ajutoortoqarnerani inuunerlu navianartorsiorpat atugassaq.
QARASAASIAKKUT NAKORSIARNEQ
www.doktor.gl apeqqutinut nalinginnaasunut nakorsaatinillu atortakkanik nunguutsilernermi pissarsiniarluni atorneqartartoq.
AMMASARFIIT
Saaffiginnittarfiup ulluinnarni ammasarfii nal. 8.00 - 15.30
Saaffiginnittarfiup matoreernerata kingorna oqarasuaat: 34 44 00 sianerfigineqassaaq.
SAAFFIGINNITTARFIMMIT MAKKU NEQEROORUTAAPPUT
• Meeqqanik misissuinissanut, akiuussutissiinissamut naartunerlu paasiniarlugu misissortinnissamut inniminniineq
• Kinguaassiuutitigut nappaateqarnermut, chlamydiamut gonorré-mullu misissortinneq
• Peqqissaaviup neqeroorutai pillugit ilitsersuineq
ALLAGARTAT UPPERNARSAATIT/ATTESTIT
Biilinik ingerlatitsisinnaanermut umiartortuunermullu allagartat assigisaallu sisamanngornermi nal. 14.45 nammineq takkunnikkut. Attesti nassarneqassaaq.
MEERAAQQERISUT
Oqarasuaat: 34 44 70 ulluinnarni nal. 8.00 – 9.00
ANGERLARSIMAFFIMMI PEQQISSAASUT
Oqarasuaat: 34 44 35 ulluinnarni nal. 8.00 – 9.00
INUUNERISSAAVIK TUPATORUNNAARNIARNERLU
Marlunngorneq, pingasunngorneq, tallimanngorneq. 8.15-8.45
Oqarasuaat: 34 44 22
Sukumiinerusinik paasissutissinneqarniat attavissaat:
Peqqinnissaqarfik Sermersuumi nakorsat pisortaat Jesper Olesen e-mail: jeol@peqqik.gl