Attaveqatigiinneq, tusagassiorfiit ilisarnaallu
Tusagassiorfiit Peqqinnissaqarfimmut takkutsinnagit isumaqatigiissusioreersimanissaq pingaaruteqarpoq. Taamaaliornikkut tusagassiorfiit apersuinissamut, assinik pissarsisinnaanissamut il.il. tunngatillugu, sulisunit ikiorluarneqarsinnaanerussapput.
Qullersanik apersuineq
Qullersanik apersuinissaq kissaataappat, saaffiginnissummut ilanngullugit apeqqutit uunga nassiunneqassapput: Sundhedsledelsen@peqqik.gl. Akissuteqarnissamut nakorsaanermik sulialinnit, ulloq tamangajaat napparsimasunut attaveqartunit isummersuutit pisariaqarajummata, akissusiornissamut apersorneqarnissamullu piareersarnissamut minnerpaamik nal. ak. 48-it utaqqinissaq naatsorsuutigisariaqarpoq.
Napparsimasut sulisullu peqataanerat
Tusagassiorfiit napparsimasunik imal. sulisunik oqaloqateqarnissaq aama/imal. filmiliornissaq/assiliinissaq kissaatigippassuk, tamanna napparsimasoq/sulisoq akuersiteqqaarlugu aatsaat pisinnaavoq.
Ilaatigut attaveqatigiinnermi siunnersorti imal. qullersaqarfiup allatseqarfia attaveqaataasinnaavoq – tamatigullu napparsimasup qanoq innera sulisullu ulapinnerat apeqqutaassapput.
Napparsimasut nammineq akuersisinnaanngitsut imal. assilisikkusunngitsut tusagassiortunilluunniit pulaarteqarusunngitsut, tusagassiortunik inimut isitsaaliuinikkut Peqqinnissaqarfimmit ikiorneqarsinnaanertik naatsorsuutigissavaat.
Apersuinissamik, assiliinissamik imal. filmiliornissamik isumaqatigiissuteqarnermi peqataarusussinnaanermut aalajangiisinnaanngorlugit, sulisut napparsimasunut allanut sulisunullu ilisimatitsinissamut naammattumik piffissalerlugit, isumaqatigiissuteqartoqassaaq.
Akuersissut
Tusagassiorfinnit pulaartoqarnissaq, immiussinissaq, assiliinissaq assigisaalluunniit isumaqatigiissutigineqarpata imaaliortoqassaaq:
1. Immersugassaq Tusagassiortunut akuersissut;Tilladelse til producenter/journalister (Tuluttut) immersorneqassaaq sulisunullu isumaqatigiissuteqarfiusunut uungalu: kommunikation@peqqik.gl nassiunneqarluni.
2. Immersugaq kommunikation@peqqik.gl -imiit akuersissummik naqissuserlugu utertinneqassaaq
Ilisarnaatit
Peqqinnissaqarfiup ilisarnaataa aajuk (Bølge og logohoved)
Peqqinnissaqarfiup ilisarnaata aajuk (Logohoved)
Peqqinnissaqarfiup ilisarnaata aajuk (Oqaasertai)
Kigutileriveqarfiup ilisarnaataa aajuk (Sundhedsvæsenet og Aaveq)
Kigutileriveqarfiup ilisarnaataa aaveq aajuk