Kalaallit Nunaata avataaniikkallarninni napparsimanermut atatillugu ikiorserneqarnermi aningaasartuutit Kalaallit Nunaanni Peqqinnissaqarfimmit utertinneqarsinnaanngillat.
Angalanermi sillimasernissat Peqqinnissaqarfiup innersuussutigaa. Napparsimaleriataarnermut-, nakorsartinnermut-,napparsimmavimmi uninnganermut, nakorsaatinut, akunnittarfimmiinnermut angerlamullu angalanermut atatillugu aningaasartuutit tamakkerlutik angalanermi sillimmasiissummit akilerneqartarput (Akisussaaffik nassatallu angalanermi sillimmasiissummit akilerneqartarputtaaq). Namminersortunit pisortanilluunniit napparsimanermi ikiorserneqarneq angalanermi sillimasiissummit akilerneqartarpoq. Angalernermut atatillugu sillimmaseruit sillimasiisarfiup maleruagassai atuutissapput.
Nunatta avataanut angalassaguit pisariaqarpat nunani allamiiinnerpit sivitsorneqarneranut angerlamullu angallanneqarnissamut aningaasartuutinut  matussutaasinnaasumik sillimmasissaatit.
Napparsimmavimmi uninnganerup sivitsorneqarneranut, nakorsaatinut/nakorsartinnermut angerlamullu angallanneqarnermut  aningasartuutinut matussutissanik angalanermut sillimmasernissat maluginiassavat.

Angerlamut angalaneq akisooq
Angerlamut angalaneq akisoorujussuusinnaavoq napparsimasutullu nunamit allamiit angerlamut angallanneqarneq nammineq akilertariaqassagukku feeriarnerit aserorsinnaavat. Tamatuma Danmarkimiit atuussinnaanera maluginiassavattaaq.

Pisattanik annaasaqarsinnaanermut angalanissamilluunniit inniminnikkamik taamaatitsisariaqalernermut sillimmaserneq
Pisattanut sillimmaserneq, angalanissamik inniminnikkamik taamaatitsisinnaanngorluni sillimmaserneq imal. nalinginnaasumik sillimasiisarfinnit aningaasartuutit akilerneqarnissaannik naatsorsuuteqarneq naammanngillat.

Korti akiliutigisartakkat misissoruk
Korti akiliutigisartakkat angalanermut sillimasiissutitaqarpat sorpiaat sillimaserneqarsimanerisa misissornissaa pingaaruteqarpoq.

Angerlamut angallanneqarneq angalanerullu sivitsorneqarnera
Kalaallit Nunaanni Namminersorlutik Oqartusanit Peqqinnissaqarfimmillu AKILERNEQARNEQ AJORPUT. Tamanna Danmarkimut angalanermissaaq atuuppoq.

Kigutileritinneq
Kigutileritinnermut tunngatillugu nakorsat naliliinerat naapertorlugu nappaatinut assersuunneqarsinnasunut pinasuartarialinnut akiliutit taamaallaat matussuserneqarsinnaapput.

Danmarkimi Nunanilu Avannarlerni (Savalimmiuni, Sverigimi, Norgemi, Finlandimi Islandimilu) pinasuartariallit
Danmarkimi Nunanilu Avannarlerni tassannaannaq nappersimalernermut atatillugu isumaqatigiissummut ilaavutit, TAAMAAKKALUAQ angerlamut angallanneqarnissamut, akunnittarfimmut billetsimullu inniminniinermut aningaasartuutit tamakkerlutik akilerneqarnissaat qulakkeerniarlugu angalanermut sillimmasersimassaatit. 
 
Atuakkittaaq
Sullissivimmi angalanermut sillimmaserneq takuuk imal. attavik una atoruk.