Sanamut Aqqut 2,
Postbox 1001
3900 Nuuk
Oqarasuaat: +299 34 48 90 & +299 34 48 92
E-maili: patienthotel@peqqik.gl
Nuummi napparsimasunut akunnittarfimmut tikilluarit
Dronning Ingridip Napparsimmavissuani napparsimasunut akunnittarfik nutaaq 2012-imi septembari qaammat ammarneqarpoq. Akunnittarfik nutaaliaasoq 70-inut miss. inissaqarpoq.
Napparsimasunut akunnittarfimmiissaguit
Tikikkuit
Portørinit mittarfimmi aaneqassaatit/aaneqassaasi biilimillu napparsimasunut akunnittarfiliaanneqarlutit/llusi. Napparsimasut nal. 21.00-ip kingorna tikittut inissinneqarnissaat portørit isumagisarpaat.
Inissinneqarninnut atatillugu immikkoortortamut attavigisassannut oqarasuaatip normuanik sulisullu attavigisassavit aqqinik paasissutissinneqassaatit.
Nammineq akiliisussanut akigititaasut
Inissaqarpat ingiallortaasut nammineq akiliisussat inissaannik innersuussisoqarsinnaavoq. 2014-imi februaarimiit akit ima aalajangersarneqarput: unnuineq ullormullu nerisaqarneq: 621,-
Illoqarfiliassagaanni
Illoqarfiliassaguit sap. ak. naaneraniluunniit ilaquttanni/ikinngutinniissaguit sulisut ilisimatissavatit.
Nerisaqarneq
Napparsimasut ilaquttallu uninngaqataasut kantiinami akeqanngitsumik nerisaqartinneqarput.
Ullaakkorsiorneq nal. 08:00 – 09:30
Ullup qeqqasiorneq nal. 11:30 – 13:00
Unnukkut nerineq nal. 17:00 – 18:00
Kaffi/tii illulerlugu nal. kl. 14:00 unnukkullu nal. 20:00 kaffi sassaalliutigineqartarpoq.
Sap. ak. naanerini kantiinap matoqqanerani isersimaartarfimmi nerisassat sassaalliutaasarput.
Nammineq nerisassiorsinnaaneq
Kantiinami nerisassat sassaalliutigisartakkatta pitsaassusaat qaffasikkaluaq, illit nammineq igaannik nererusussinnaassaatit :-) taamaaliorusukkuit isersimaartarfimmi tamatumunnga periarfissaqarpoq.
Suliassat
Atuisut tamarmik torersaanissamut suliassanullu allanut soorlu makkununnga akisussaaffeqarput:
- Siniffiliorneq
- Torersaaneq,
- Atisanik oqorutillu puuinik atoriikkanik errortassaasivinnut issoraaneq.
Errorsineq
Errorsivik panersiivillu akeqanngitsumik atorneqarsinnaapput errorsinermulli qaqorsaatit kingunerutillu uninngasut namminneq isumagisassaraat.
Pigisat nalillit
Napparsimasunut akunnittarfiup nassatat nalillillu allat akisussaaffigisinnaanngilai, piffissamili sivikitsumi soorlu misissortikkiartornermi sikaavimmi parnaartartumiititsisinnaalluni.
Ininut naasaaneq
Ulluinnarni nakorsartittunut pilatsittunullu immikkoortortaqarfinniit nakorsanik naasaasoqartassaaq.
Suna nappaatigigit apeqqutaalluni uninnganinni pisussat pilersaarusiorneqassapput.
Unnukkut unnuakkut sap. akunnerataluunniit naanerani sulisut sulinngiffiisa nalaanni peqqiilliulissagaluaruit, immikkoortortaq attavigisat oqarasuaatikkut namminerluunniit ornigunnikkut attavigisinnaavat.
Matuersaatit
Kort-imik matumut silarlermut ininnullu matuersaatitut atorsinnaasannik tunineqassaatit.
Oqarasuaat
Isersimaartarfimmi oqarasuaatip normuanut uunga sianerfigineqarsinnaavutit +299 344 180
Akunnittarfik tupatorfiunanilu imigassartorfiunngitsoq
Napparsimasunut akunnittarfik tupatorfiunanilu imigassartorfiunngilaq.
Najugaqarninni pitsaanerusumik atugaqarnissamut imminut ikiorit
Akunnittarfik nal. 08.00-imiit 21.00-imut sulisoqartarpoq, napparsimasunullu akunnittarfimmiinnerit ajunnginnerpaamik misigiffiussappat, uninngasut sapinngisaq tamaat imminnut ikiorsinnaanissaat pisariaqarpoq. Apeqqutissaqaruit suliffiup nalaani sulisut attavigiinnarsinnaavatit.
Aallalernermi
Aallalernermi ingerlanneqarnissaq portørinit isumagineqartarpoq, aallarnissamullu pikereersimanissaq pingaaruteqarpoq.