PAASISSUTISSAT
Nunatsinni innuttaasut amerlasuut sukkunik immuullu sukkuanik sapigaqartuupput, aamma tamanna ilisimanagu.
Laktose immuit sukkuannik taaguutaavoq aammalu immummi immunniillu tunisassianut nalinginnarmik ilaalluni.
Sakkarose sukkunut taaguutaavoq, inuussutissanilu tunisassiarineqartuni amerlasuuni tunguarnitsunilu ilaalluni.
Sapigaqaraanni enzymet sukkunik taakkuninnga suujunnaartitsisussaq amigaataasarpoq, tamannalu nerisat arrorsarnerannik ajornartorsiuteqarnermik naarlunnermillu kinguneqartarpoq.
NAMMINEQ QANOQ ILIUUSEQARSINNAAVUNGA
Timip inuussutissanik pisariaqartitaminik pinissaa qulakkeerniarlugu, assigiinngiiaartunik nerinissaq kikkunnut tamanut pingaaruteqarpoq.
Illit meeqqappilluunniit arlaatigut nakorsamit sukkut immuulluunniit sukkuanik sapigaqartutut misissorneqarsimaguit, nerisaqarnermi arlallit mianerisariaqarsinnaapput.
Quppersakkat
Quppersakkat paasissutissanik imallit ataani atuakkit:
Sukkunik immuullu sukkuanik arrortitsisinnaannginneq
Sukkunik arrortitsisinnaannginneq
Immuup sukkuanik arrortitsisinnaannginneq
Attavissaqqissut
Peqqinnissaqarfik