Naartunerpit nalaani aaqaleruit tamanna arlalinnik patsiseqarsinnaavoq.  Illissap paani ameraasaq -pingaartumik atoqatigeereernikkut aanaarsinnaavoq, illissannit aanaartoqarsinnaavoq. Naartuleqqaarninni tamanna pippat naartumik katatsinermut ersiutaasinnaavoq. Erninissat qanillisoq aaqaleruit ernisungajalernissamut ersiutaasinnaavoq. Itummavit imarisinnaasaanit annertunerusumik aaqaruit ernisarfik/ peqqissaavik attavigissavat.