Nunatsinni ernivissat tallimaapput:

• Dronning Ingridip Napparsimmavissua
• Ilulissani Peqqinnissaqarfik Avannaani qitiusumik napparsimmavik
• Sisimiuni Peqqinnissaqarfik Qeqqani qitiusumik napparsimmavik
• Tasiilami Peqqissaavik
• Qaqortumi Peqqinnissaqarfik Kujataani qitiusumik napparsimmavik

Nuummi Napparsimmavissuarmi ernineq
Naartunerpit nalaani kingunerluuteqalissaguit nakorsamiilluunniit immikkut piumasaqaatitalimmik ernisussatut naliliivigineqaruit, Nuummut
Napparsimmavissuarmut, atortutigut sulisutigullu ernisunik naartusunillu kingunerlutitsisunik isumaginnissinnaasumut nuunneqassaatit.

Nuup avataani ernivissani ernineq
Pilaalluni ernisitsisinnaasumik tamatigut nakorsaqarnissaa, peqqissaasumik sinititsiartoqarnissaa, aaviisartunik assigisaannillu sulisoqarnissaa
kiisalu juumooqarnissaa, Nuup avataani ernivissani piumasaqaataavoq. Tunngaviusumik -ernivissami najukkannut qaninnermi ernissaatit.