Nerisaqartitaaneq ineqartullu nerisassaataannik toqqorsineq
Kalaallit Peqqissartut Illuat ullaakkut, ullup qeqqanut unnukkullu ineqartunut nerisaqartitsivoq. Danskit kalaallit nerisassiaataat assigiinngiiaat sassaalliutigineqartarput. Inuussutissalerineq pillugu inatsit naapertorlugit sakkortuunik maleruagassaqarpoq, kalallit nerisassaataannik eqqussinissamut ajornakusoortitsisunik. Taamaammat Kalaallit Nunaanni suliffeqarfiit uumasup nakorsaanit akuerisaasut aqqutigalugit taamaallaat, Kalaallit Peqqissartut Illuannut nassiussisoqarsinnaavoq, nassiussat uumasut nakorsaanit misissorneqarsimappata.
Peqqissartut kalaallit nerisassaataannik nassarsinnaapput etagiani 1, 2, 3 aamma naqqup ataani toqqorsiviusinnaasunik qerititsiveqarmat. Nammineq nerisassaatit toqqortarineqarneri piginnittut namminneq akisussaaffigaat taakkulu nerisassiarineqarneri igaffeeqqani taamaallat ingerlanneqarsinnaalluni.
Kalaallit Peqqissasrtut illuanni nerisaqartitsineq
Illumi najugaqartut arlallit nappaatinit sakkortuunit katsorsartittuummata, naammattumillu tamatigut nerisinnaanatik, sassaalliutaasut annikittumik nerisaqartunut tulluussagaapput. Taamaammat ineqartut ataasiakkaat naammattumik nerisaqartikkumallugit, igaffimmi sulisut peqqissartunit oqaloqatigineqarsinnaapput nerisarisat tulluussarnissat qularnaarniarlugu.
Immikkut nerisaqartunut ilaatigut makku toqqagassaapput
- Akornatigut nerineq
- Aammikkut akuluiartittunut nerisassat
- Sukkortunut nerisassat
- Neqitortuunngittunut nerisassat
- Nerisassat gluteneqanngittut laktoseqanngittullu il. il.
Ineqartut sivisuumik peqqissartulluunniit illuani nerinerup nalaani napparsimmaviittussaatillutik taquassaminnik nassarsinnaapput.
Eqqiaaneq
Sumiiffiit ataatsimoorfiusut ullut tamaasa eqqiarneqartarput. Pisariaqartitsinerlu malillugu ineeqqat eqqiarneqarsinnaanerat peqqissartut illuannit aamma neqeroorutaalluni. Ineeqqat torersuutinnissaat ineqartut namminneq akisussaaffigaat, eqqiaasut eqqiaasinnaaniassammata.
Ilanngullugu kaammattuutigaarput ineqartut ineeqqanik sumiiffiillu ataatsimoorfiusut atorneqareeraagata eqqiaanermut ikiuuttarnissaat.
Nillataartitsivinni, qerititsivinni nerisassaasivinnilu killilimmik inissaqarmat, nerisassanik qaagiunnikunik qimatanilluunniik ineqartut eqqaasarnissaat pingaaruteqarpoq.
Oqorutit qalii allarutillu
Oqorutit qalii assigisaallu avataanit aggiunneqarlutillu aaneqartarnissaat peqqissartut illuata isumaqatigiissuteqarfigaa. Quleriiaani tamani oqorutinut qaleqarpoq erroriikkanik. Oqorutit qalii errortassat quleriaani errortassaasivinnut ilineqartassapput.