Peqqissartut suleqatigineqarneranni suliassat arlaqarput. Region Hovedstadenimi napparsimmavinni, Kalaallit Nunaannut tunngasunik ataqatigiissaarisuni Kalaallillu Nunaanni napparsimmaviit akornanni suleqatigiinneq ataavartumik ingerlavoq, taakkunanilu sulisut akornanni sulianik ataqatigiissaarineq ingerlanneqartarluni. Peqqissartut peqqissarnerisa sapinngisamik eqaannerpaamik ataqatigiittumillu ingerlanissaat anguniarlugu tamanna ingerlanneqarpoq. Anniaatinik allanik peqqissartup innersuunneqarsimasaata avataatigut takkuttoqassagaluarpat, nakorsap attavigineqarnissaanut sulisut aamma ikiuussinnaapput.
Suleqatigiit immikkoortoqatigiinnut marlunnut agguagaapput makkunanngalu suliaqarlutik:
Peqqinnissamik suliallit
Suleqatigiit suliassat peqqinnissamut attuumassutillit tamaasa akisussaaffigaat, ilaatigut
- ikinik poortuineq
- ·nakorsaatinik passussineq
- ilitsersuineq paasissutissiinerlu
- ·nioqqutinik inniminniineq
- peqqissartut tikinneranni tigooraasuuneq aallarnerannilu aallartitsineq
- pisariaqarpat Kalaallit Nunaanni peqqissartup illoqarfigisaani peqatigalugu ataqatigiissaarineq
- ·nalunaarsuiffik Cosmic atorlugu ataavartumik nalunaarsuineq
Peqqissartut tikillugit sulinissaq Danmarkimilu peqqissarnerat pillugu paasissutissanik tuniorarneqartuarnissaat qulakkeerniarlugu, suleqatigiit sulinissaat pingaaruteqarpoq.
Inunnik isumaginninnermik suliallit
Ulluinnarni ataqatigiissaarinermik suliassat arlallit suliarivaat, ilaatigut
- biilinik angallassinissamik pilersaarusiorneq
- angallassassisumik ataavartumik attaveqarneq
- avataaniit oqarasuaatikkut sianertut akisarnerat
- piffissanik napparsimmaviliarfissanik tigooraaneq, peqqinnissaqarnermut nalunaarsuiffimmi Cosmicimi angallanneqartussallu allattorsimaffiannik nalunaarsuineq
- peqqissaasunut allakkat akineqartarnissaat ingerlateqqinneqartarnissallu
- peqqissartut napparsimmavinnit angerlartinneqartut pillugit paasissutissanik tigooraaneq toqqorterinerlu
- ineeqqat agguaanneqarnissaannik pilersaarusiorneq ataqatigiissaarinerlu
- peqqissartut Danmarkimiinnerannik ikiuineq
- takornariartitsinerit aneeqatigiititsinerillu
- peqqissartut illuannut Danmarkimullu tikinneq pillugit peqqissartunik oqaloqateqarneq
Peqqissartut aningaaseriviliarnissaannik nujaasalerisunukarnissaannilluunniik allanillu sulisut aamma ikiuussinnaapput.
Allaaserisanit takusinnaavatit 1 -mut 3