vælg et emne
... sammisaq toqqaruk

Qaffasinnerusumik ilinniagaqarnissamut aningaasanik qinnuteqartarfik

Ilinniartitseqqinnermut aningaasaliissutit

Peqqissaasunik, ernisussiortunik, tagiartuisartunik, pillorissaasunik, bioanalytikerinik nerisassiortunillu ilinniartitseqqinnernut aningaasaliissutit.

Pissusiusut
Peqqissutsimut Naalakkersuisoqarfiup ilinniartitseqqinnermut aningaasaliissuteqarneranut siunertaavoq, qulaani suliaqarfinni taaneqartuni sulisunik Kalaallit Nunaanni Peqqinnissaqarfimmi atorfilinnik, Peqqissaasunngorniat Ilinniarfianni sulisunik Peqqinnissamullu tunngaviusumik ilin-niarfimmi sulisunik suliffimmi/nammineq suliaqarfigisap iluani inuiqatigiittut-, peqqinnissakkut-, aqutsinikkut- ilinniartitaanikkullu kiisalu teknologitigut ineriartorneq ilutigalugu piumasaqaatit sakkortusiartornerinut allanngornerinullu nalimmassarusuttunut aningaasatigut tapersiis-suteqartarnissaq. 

Tapiissuteqartarneq
Taamaallaat ilinniaqqinnernut diplomitut-, masteritut- kiisalu ilisimatusartutut qaffasissusilinnut imaluunniit taakkunannga kittaartumik ilinniagaqarnernut kiisalu immikkut ittumik ilinniarnernut – tamakkiisumik piffissalluunniit affaannaani ilinniarnernut taamaallaat tapiissuteqartoqartarpoq

Qinnuteqaatit qinnuteqarnissamullu piffissaliussat
Peqqissutsimut Naalakkersuisoqarfik Peqqinnissamut aqutsisut, Peqqissaasunngorniat Ilinniarfianni pisortaq kiisalu Peqqinnissamut tunngaviusumik ilinniarfimmi pisortaq aqqutigalugit martsip septemberillu qaammataani qinnuteqaqqusisarpoq. 
o Qinnuteqarnermi immersuiffissaq toqqagassami tulliuttumi pissarsiarineqarsinnaavoq
o Qinnuteqaatit ataavartumik tigoorarneqartarput. 
o Qinnuteqaatit kingusinnerpaamik aprilimi oktoberimilu aalajangiisartunit suliarineqartarput, Naalakkersuisoqarfimmit toqqarneqartumit

Qinnuteqaat paasissutissallu iluaqutaasinnaasut
Ataani qinnuteqarnermi immersuiffissaq tassungalu paasissutissat iluaqutaasinnaasut nittartakkakkut aasinnaavatit
o Qinnuteqarnermi immersuiffik
o Ilinniartitseqqinnernut aningaasaliissutinut nalunaarusiorneq (word)
o Akissarsiaqartitsinermi malittarisassat
o Kaajallaasitaq nr. 19
o Danmarkimi tamakkiisumik ilinniarnerit pillugit  paasissutissiissutit (pdf)
o Missingersuusiornissamut assersuusiaq (pdf)
o Missingersuusiornissamut assersuusiaq (xls)

Paasissutissat allat
Ilinniartitseqqinnernut aningaasaliissutit pillugit paasissutissanik allanik perusukkuit Peqqissutsimut Attaveqarnermullu Naalakkersuisoqarfik attavigiuk, pn@nanoq.gl oqarasuaat 345000.







________________________________________
Nittartakkami qupperneq taanna nutserneqarpoq. Suliaq augusti qaammat 2014 naatinnagu naammassissaaq.

19_ilinniaqqinnermut