vælg et emne
... sammisaq toqqaruk

Nakorsamut allatsinngorniarneq

Nakorsap allataa sulerisarpa?

Nakorsap allattaatut sulineq allanngorartuuvoq, nakorsat allattaasa ataasiakkaat suliarisartagaat assigiinngitsorpassuupput. Immikkoortortami immikkullu ilisimasaqarfimmi sumi sulineq tamatumani apeqqutaasarpoq.

Nakorsat allattaasa suliarisartagaannut assersuutissat:
• Napparsimasut aqqusaartugaannik ataqatigiissaarineq
• Napparsimasut pillugit allattugaatinik pilersitsineq paasissutissanillu nutarterineq
• Napparsimmavimmi qarasaasiakkut sullississutinut nalunaarsuineq
• Unittussanik/misissortittussanik aggersaaneq, piffissanik misissortinnissanillu inniminniineq 
• Nappaatit suussusaannik nalunaarsuineq
• Napparsimasunik ilaqutaasunillu suleqateqarneq/attaveqarneq
• Peqqinnissaqarfiup immikkoortuanik uninngasuunngitsunik sullissivimmik suleqateqarneq /attaveqarneq 
• Misissuinerit inernerinik suliaqarneq
• Allakkanik oqarasuaatikkullu saaffiginnissutinik suliaqarneq

Nakorsat allattaat napparsimmavimmi ilinniakkat akimorlugit tamanik suleqateqarput.
Nakorsat allattaattut ilinnialernissaq piumasaqaatitaqarpoq. Tamanna pillugu Niuernermik Ilinniarfik kiisalu Handelsfagskolen i Odder paasisassarsiorfigikkit.  

Soqutigaajuk?- taamaappat ilinniarfik attavigiuk.