vælg et emne
... sammisaq toqqaruk

Ilinniartitaanermut Ineriartortitsinermullu Immikkoortortaq

PAASISSUTISSAT PIVIUSUT
Ilinniartitaanermut Ineriartortitsinermullu Immikkoortortami peqqinnissaqarfiup suliffittut kajungernartuunissaa- aallartilluarneq, atorfeqarnerup nuannersutut misiginera, suliunnaarnermilu pitsaasumik misigisaqarneq -qitiutillugit anguniagassatut siunniuppagut. 

Ilinniartitaanermut Ineriartortitsinermullu Immikkoortortami Peqqissutsimut Pitsaaliuinermullu Aqutsisoqarfiup ataani sulisoqarnermut immikkoortortaqarfimmi inissisimasumi, peqqinnissaqarfimmi taamatullu kommunit namminersortullu suliffeqarfiini sulisunik pikkorissaajuarnikkut peqqinnissaqarfimmi sulisussarsiniarnerup aalaakkaasunillu sulisoqarnissap- ilinniakkatigut inuttullu ineriartornissap siuarsarnissaat inuiaqatigiinnilu peqqinnissakkut sullissinerup pitsaassusaanik qulakkeerinissaq siunertaapput.

Ilinniartitaanikkut neqeroorutinik, sammisaqartitsinernik ineriartortitsinermillu ilissinnut naapertuussakkamik ataqatigiissaaraluta, ilissi suliffeqarfissinni ikiuukkusuppugut. Periarfissavit suuneri paasiniarlugit attavigisigut.


NEQEROORUT

PEQQINNISSAQARFIMMI SULISUUGUIT

Ilinniartitaanermut Ineriartortitsinermullu Immikkoortortaq peqqinnissaqarfimmi sulisunut tamanut  akeqanngitsunik neqerooruteqarpoq. Neqeroorutit ilaat ilinniakkamut aalajangersimasumut tunngasuupput allallu atorfeqavissunut tunngasuullutik. Neqeroorutit ataasiakkaat nassuiaatitaannut kikkut saaffigineqarnerat ilaavoq.

Neqeroorut peqataaffigerusutat nassaarigukku, peqataaniarluni nalunaarfissaq toqqakkamut tunngasoq immersorneqassaaq, qarasaasiakkullu Ilinniartitaanermut Ineriartortitsinermullu Immikkoortortamut nassiunneqassalluni.

Peqataaniarlutit nalunaartinnak aqutsisunniit akuersissummik peqqaarnissat tamatigut EQQAAMAJUK. Taamaasiornermi akissasiaqarluni sulinngiffeqarsinnaanissaq, sulianut naapertuuttuunera immikkoortortamilu/suliffeqarfimmilu suliffigisami sulisoqarnikkut periarfisssaqarnera eqqarsaataapput.

Peqataanissamut nalunaarutit tigugutsigu ullut 14-it qaangiutsinnagit peqataasinnaanerit peqatasinnannginnerilluunniit nalunaarutigissavarput. Ilinniartitaanermut Ineriartortitsinermullu Immikkoortortamiit akuersissummik pissarsitinnak peqataaniarlutit nalunaarnerpit atuutinnginnera maluginiagassaraat. Peqataasinnaannginnerit pillugu nalunaarutisissaguit taanna tunngavilersuummik ilaqartinneqassaaq.

KOMMUNIMI NAMMINERSORTULLUUNNIIT SULIFFIUTAANI SULISUUGUIT  

Ilinniartitaanermut Ineriartortitsinermullu Immikkoortortaq kommunini namminersortullu suliffiutaanni sulisunut, ulluinnarni peqqinnissamik pitsaaliuinermillu suliaqartunut naapertuuttunik ataasiakkaanik neqerooruteqarpoq. Neqeroorutit ilaat ilinniakkanut aalajangersimasunut tunngasuupput allallu pisortaqarfinnik akimuisuullutik. Neqeroorutit ataasiakkaat nassuiaatitaannut kikkut saaffigineqarnerat ilaavoq.

Kommunimi namminnersortullu suliffiutaanni atorfilittut akiliillutit peqataanissamut periarfissaqarputit. Neqeroorutini ataasiakkaani akii takuneqarsinnaapput. Neqeroorummut tunngatillugu pisariaqarpat atortussarsinissaq, angalanissamut inniminniinissaq, ineqarnissaq ullormusiaqarnissarlu sulisitsisuit akisussaaffigaa.

2014/15-IMI PISUSSAT
Neqeroorutit assigiinngitsut pillugit paasissutissat uani atuakkit suleqatigisat ilinniartitsisullu nalunaarsorsimaffiat uani aamma takujuk [– er under udarbejdelse]


ATORTUSSANUT NAAPERTUUTUNUT ATTAVIIT
Uani ullormusiassanut immersugassaq, siumoortumik aningaasanik pissarsinissamut naammassinermilu naatsorsuinissamut atugassaq pissarsiarisinnaavat.

Uani Fonde og Puljer ass. immikkut qaffasinnerusumut ilinniaqqinnissamut imal. suliffeqarfimmut aalajangersimasumut tunngatillugu, ilinniagaqarnissamut tapiiffigineqarnissamik qinnuteqarfigisinnaasatit aningaasaateqarfiit aningaasaliissutaasartullu pillugit, paasissutissat pissarsiarisinnaavatit.

 Ingerlakkusutannut tunngatillugu Kalaallit Nunaanni peqqinnissaqarfimmi piginnaanngorsarnermut atatillugu aqqusaarsimasani ukunani isumassarsiorit:

  • […er under udarbejdelse]
  • […er under udarbejdelse]


ATTAVEQARFISSAT
Ilinniartitaanermut Ineriartortitsinermullu Immikkoortortaq
Svend Jungep Aqqutaa 2
Postbox 1499
3900 Nuuk

Oqarasuaat: +299 34 99 70
Fax: +299 32 39 85
E-mail: laering-udvikling@peqqik.gl

Else-Marie Grønvold
Aqutsisoq
Oqarasuaat: +299 34 99 62
Mobil: +299 55 13 30

&

Sabine Wengel Eilertsen
Ineriartortitsinermi siunnersorti
Oqarasuaat: +299 34 99 70
Mobil: +299 58 57 20