vælg et emne
... sammisaq toqqaruk

Qanermi svampeqarneq

NAPPAAT SUMIIPPA?
Qarnup iluani inissisimaffinni arlalinni svampeqartoqarsinnaavoq - pingaartumik uluaap ilua'tungaani, oqqap qaavani qilaamilu.

NAPPAAMMUT SUNA PISSUTAAVA?
Qanermi svapeqarnermut pissutaavoq gærsvamp, taanna inuit tamarmiusut affangajaasa qanianni nassaassaavoq. Amerlanertigut ajoqusiisanngikkaluarpoq, pissutsilli immikkut ittut qanerlutsilersinnaavaatsit. Pissutsit qanermut toqqaannartumik akornutaasut pineqarput, soorlu pujortartarneq imaluunniit kigutaasat ajoquteqarnerat, pissutsilli nalinginnaanerusut aamma pineqarput, soorlu assersuutigalugu immikkut ittunik nakorsaatitortarneq imaluunniit nappaateqarneq. Qanermi svampeqarneq inunni nappaatilinni nalinginnaaneruvoq, ilaatigut AIDS-imik nappaatilinni, taakkumi timaasa akiuussutissaqarnerat ajortuummat.

NAPPAAT QANOQ MALUGISSAVIUK?
Nappaat annernarlunilu iluaattupilussuusinnaasoq qaqortunik aappaluttunilluunniit simertitertutut ersittarpoq imaluunniit piffinni anginerusuunniitarluni. Qaqortortai ilaatigooriarluni kiliortorlugit peerneqarsinnaapput. Naalungiarsunni, qaqortunik simertitertartuni, qanerlunneq trøskemik taaneqartarpoq.

NAPPAAT QANOQ KATSORSARNEQASSAVA?
Qanerlunneq nakorsaammik svampemut toqoraataasumik (antimyotikum) katsorsarneqakkajunneruvoq. Trøskesafti, meeraaqqanut katsorsaataasartup akugivaa klorhexidin.

NAMMINEQ QANOQ ILIORSINNAAVIT?
Naamineq iliuuserisinnaasat pitsaanerpaaq tassa qanermut ippinnarsinnaasut gærsvampimillu pisumik aseruutsitsilersinnaasut ingalassimaniassallugit. Siullertut pingaarnertullu pineqarpoq pujortartarneq. Kigutaasaqaruit iluamik inissisimanngitsunik kigutit nakorsaanut iluarsitittariaqarpatit. Tungusunnitsunillu iisaqartarnerit annikillisittariaqarpat, sukkummi gærsvampip ineriartornera siuarsartarmagu.

KALERRISAARUT
HIV-mik tunillatsissimasut ilarpassuisa tunillatsissimanertik aatsaat paasisarpaat qanerminni svampeqalersimanertik pillugu kigutit nakorsaannut nakorsamulluunniit katsorsartinniarlutik ornigukkaagamik. Eqqaamassavat HIV-mik tunillatsissimasinnaanerit pillugu nalorniguit, napparsimmavimmi HIV-mik misissortinnissamut periarfissaqaravit.
PDF-iliariukEmbed

Allaaserisaq nittartakkannut iliguk (Embed)

"Qanermi svampeqarneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk