vælg et emne
... sammisaq toqqaruk

Qanerlunneq

NAPPAAT SUMIIPPA?
Taaguutaata soorlu ersersikkaa qanerlunneq qanermiippoq, kiisalu meeqqani inersimasunilu assigiinngitsutigut inissisimasinnaalluni - uluammi, qarnup naqqani, qarnup qilaavani, ikkinni oqqamilu.

NAPPAAMMUT SUNA PISSUTAAVA?
Qanerlunneq nappaatit assigiinngitsorpassuit ataatsimut taaguutigivaat. Qanerlunneq nalinginnaasorujussuaq meeqqaniinnangajak takussaasartoq virus-imik aalajangersimalluinnartumik pissuteqarpoq, taanna aamma siggukkut aseruuttoortitsisinnaavoq (herpes). Virusimik aseruuttoornerit arlallit qanermi qaannertut ittunik allanngortitsisinnaapput, soorlu anillannerit kuppiusat toqqusaarlunnerlu.
Bakteeriat svampellu aamma qanerlunnermut pissutaasinnaapput.
Uippakajaarneq, qinersinit aammut akuliunneqartut allanngornerat kiisalu B-vitaminimik saviminermillu amigaatigeqarneq qanermi ikeeqqatut ittunik pilersitsisinnaapput (qarnup ameraasaatigut aseruuttoornerit, qaannerit).

NAPPAAT QANOQ MALUGISSAVIUK?
Meeqqani qanerlunneq qaanneeqqanik arlalinnik kiisalu ikeerarpassuarnik nassataqarsinnaavoq. Taakku imminnut akuliullutik ikinnguussinnaapput anginerit anniartitsisaqalutillu. Kissarneqarneq kiisalu imiusap sorujuiarneqartarfiisa* pullattarnerat takussaasarpoq, taamaannerlu ullut 14-it missaannik sivisussuseqartarpoq.
Inuppassuit qanermi ameraasaatigut aseruuttoortarput. Taakku , amerlasuutigut nangeqqittartut, uluammi, siggummi oqqamilu inissisimasarput. Qarnup ameraasaatigut aseruuttoorneq annernartaqaaq sapaatillu akunnerpassui sivisussuseqarsinnaalluni, qaqutigoortumik qaammatini arlalinni.
Inuit kigutaasallit kigutaasami ataanni aseruuttuukulaartarput, pingaartumik kigutaasat naammagineqanngikkaagata. Ameraasaq aappillertarpoq, pullalluni annernarlunilu.

NAPPAAT QANOQ KATSORSARNEQASSAVA?
Meeqqat qanerlunnerat katsorsarneqartarpoq iisartakkat immikkut ittut atorlugit (Aciclovir). Meeqqap anniarnini pissutigalugu kigutini salippiarsinnaanngippagit silatusaarnerussaaq klorhexidin-imik qarna errortoraanni, taanna kigutit nakorsaannit pisinnaavat.
Qarnup ameraasaani aseruuttoorneq aamma katsorsarneqarsinnaavoq klorhexidin-imik aamma kortisonsalve-mik imaluunniit aseruuttoornermut akiuussutissamik. Inuit ilaasa iluaqutigisarpaat kigutinut qaqorsaammik Zendium-imik kigutigissartarnertik ilaasalu Longovital-imik atuisarnertik.
Kigutaasavit ataanni aseruuttoorneqaruit kigutaasatit kigutit nakorsaannit takuneqartariaqarput. Imaassinnaavoq iluarsisariaqartut. Aseruuttoorneq svampimik pissuteqarpat svampe-mut toqoraat atorlugu imaassinnaavoq katsorsarneqartoq.

NAMMINEQ QANOQ ILIORSINNAAVIT?
Qitornat qanerluppat nammineerlutit ikiorsinnaavat qarna klorhexidin-imik errortorlugu. Meeraq qanerlutsilluni pisarnerminit annerusumik imerluarnerujussuusariaqarpoq.
Illit qanerlukkuit aamma nammineq iliuuseqarsinnaavutit, kigutit nakorsaata ikiorsiissutissatut innersuussutai malillugit qanit errortussavat imaluunniit tanillugu. Qanivit ameraasaatigut aseruuttooruit, taava kigutinut qaqorsaat Zendium siullertut misiliguk.
Kigutaasaqaruit, taakku ullut tamaasa eqqertivillugit salinnissaat pingaaruteqangaatsiarpoq.
PDF-iliariukEmbed

Allaaserisaq nittartakkannut iliguk (Embed)

"Qanerlunneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk