vælg et emne
... sammisaq toqqaruk

Nuallunneq / nuffaserneq

NAPPAAT SUMIIPPA?
Nuffaseraanni nappaat qinngamiittarlunilu toqqusaamiittarpoq.  Nuallukkaanni nappaat timimi tamarmi malunnartarpoq.

NAPPAAMMUT SUNA PISSUTAAVA?
Nappaat virusimik pissuteqarpoq, aallartittarlunilu sorlummi ipiutaasartat tinunerisigut.
Nuffaseruit nualluleruilluunniit nappaatinut timivit akiuussinnaanera millisarpoq. Taava bakteerianik pissuteqartumik nappaatit, soorlu toqqusaarlunneq, puallunneq, qinngukkut aseruuttoorneq imaluunniit siutip qiterlersaani aseruuttoorneq, ajornannginnerusumik nappaatigilersinnaavatit.

NAPPAAT QANOQ MALUGISSAVIUK?
Nualluleruit timinni tamarmi nukitit ippigilissavatit kissarneqalaalerlutillu, inersimasuuguit 38,5 gradit missiliorlugit kissarneqalersinnaavutit.
Kissarneqarneq nalinginnaasumik ulluni marlunni pingasuniluunniit sivisussuseqartarpoq, nukiilli ippigineqarnerat sapaatit akunnerini ataatsimi marlunniluunniit sivisussuseqartarluni.
Meeqqat mikisut amerlasuutigut sukkasuumillu kissarneqarujussualertarput - 41 gradit angullugit. Tamanna imminermini pissusissamisoorpoq ulorianaranilu, atoruminaatsuuvorli, kissarneqarujussuarnerup meeraq aramatilersarpaa, taamaalingaagamilu imerluartarnissani pisariaqartittarpaa.

NAPPAAT QANOQ KATSORSARNEQASSAVA?
Nappaat immini katsorsaatissaqanngilaq, nipaallisaatinilli pisariaqartitsisoqarsinnaavoq, soorlu assersuutigalugu pisiniarfimmi pisiarineqarsinnaasut Paracetamolit. Nuallunnermut akiuussutissamik kapisisoqarsinnaavoq, paasissutissat peqqinnissaqarfimmi pineqarsinnaapput.

NAMMINEQ QANOQ ILIORSINNAAVIT?
Nipaallisaatit nammineerlutit pisiarisinnaavatit. Taakku nipaallisaataajutigalutik aamma kissarnikillisitsisarput. Imminut eqqissisimatigit, innangasinnaavutit. Pujortarneq aalakoornartunillu imerneq pinaveersaaruk, taakkumi nappaat sivitsortittarmassuk. Angerlarsimagit nappaativillu qaangiunnissaanut imminut iluatatsigit.
Nuallunninni ulloq siulleq peqqinnissaqarfimmut saaffiginninnissat pisariaqanngilaq. Kissarnerit ullut pingasut sinnerlugit sivisussuseqarpat, imaluunniit tassanngaannaq qaffariasaarpat peqqinnissaqarfimmut saaffiginnissaatit.
Meeqqat mikisoq ikiussavat atisaajarukku, kissarulunnginniassammat. Aamma inimi kiassaatip sakkukillineqarnera iluaqutaasarpoq.
Meeqqamulli sueq, soorlu igalaamit, mianersuutissaaq.
Meeraq imertilluarneqassaaq, imigaalu sukkoqalaaruni ajunnginnerussaaq. soorlu juice imaluunniit safti imerluunniit kiisalu tii sukkoqalaartoq nillorsiaq atorlugit imertiguk. Meeqqat amerlasuut napparsimatillutik immuk mamarineq ajorpaat.
Nuffaserneq kakkitigut tuniluuttarpoq. Inersimasut assamminnit tuniluunneq ingerlateqqittarpaat, meeraaqqallu kakkitik sumut tamaannga siaruartilertorsinnaavaat. Assatit errukulaakkit!
PDF-iliariukEmbed

Allaaserisaq nittartakkannut iliguk (Embed)

"Nuallunneq / nuffaserneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk