vælg et emne
... sammisaq toqqaruk

Avallunneq

NAPPAAT SUMIIPPA?

Nukinni, naggussani saanernilu.


NAPPAAMMUT SUNA PISSUTAAVA?

Avalluutit assigiinngitsut arlaliupput, Kalaallit Nunaannilu naggussat nungujartornerat nalinginnaanerpaavoq. Tassani pissutaavoq naggussap artukkinneqarnera, taamaalilluni nataqqoq nungullariartulertarluni. Suli 40-nik ukioqalertinnak tamanna aallartissinnaavoq. Inuit tamangajammik 50-it sinnerlugit ukioqalereersut naggussat nungujartornerannik malugisaqartarput.
Avalluut sunnerneqarnermi qisuariartartutut taaneqartartoq, timimi tunillatsisimanerup kingorna takkuttartoq, naggussannik sunniisinnaavoq, taamaalilluni ajornannginnerusumik naggussatit nungujartulersillugit.
Naggussatigut kitsivinneq (reumatoid arthritis) Kalaallit Nunaanni aamma atorneqakkajuppoq, Danmarkimulli naleqqiullugu sakkukinnerusumik. Naggussatigut aseruuttoornermut assigusuuvoq, naggussallu nataqquata aserorneranik kinguneqarsinnaalluni.


NAPPAAT QANOQ MALUGISSAVIUK?

Annerisaqalissaatit, pingaartumik naggussanni, aammattaarli nukinni saaninnilu - apeqqutaalluni avalluut sorleq atornerit.
Naggussatigut kitsivinnermi ullaakkut naqqussat annernarlutillu qeratasarput, tassani pissutaavoq naggussat immattarnerat. Avalluut sorliunersoq sapinngisamik piaartumik paasissallugu pingaaruteqarpoq. Avallunnerlutit pasitsaassimagukku peqqinnissaqarfimmut saaffiginnissinnaavutit.


NAPPAAT QANOQ KATSORSARNEQASSAVA?

Naggussat nungujartornerannut aalajangersimasumik katsorsaateqanngilaq, nipaallisaatilli iluaqutaasarput. Naggussat nungujartortut avalluutillu allat assigiinngissusaat ilisimassallugu pingaartuuvoq.
Naggussat nataqquisa ajoqusinnginnissaat anguniarlugu naggussatigut kitsivinneq sapinngisamik piaartumik katsorsartariaqarpoq, nakorsaatillu nutaat pitsaasuusut katsorsaanermut atorneqartarput.


NAMMINEQ QANOQ ILIORSINNAAVIT?

Naggussat nungujartorpata pingaaruteqarpoq ilisimassallugu naggussat atorluarneqarnerat iluaqutaasarmat, imali artukkerneqartigissanngillat allaat pisariaqanngitsumik imminut anniartissalluni. Naggussat nungujartorneranni anniaatit takkuttarlutillu tammaqqittarput, silallu allanngorarneranik sunnerneqarsinnaallutik.
Nipaallisaatit anniaaterpassuarnik tammartitsisartut pisiniarfimmi pissarsiarisinnaavatit, soorlu Paracetamol imaluunniit Magnyl.


Gigti pillugu nittartagaq

Kalaallit Nunaanni gigti pillugu nittartagaq uani alakkaruk.
Avalluuteqartut peqatigiiffiat Nuummi Gigtertut Peqatigiiffiat avalluutit nungujartortut pillugit quppersakkamik saqqummersitsisarpoq, taanna peqatigiiffimmut saaffiginnilluni pisiarineqarsinnaavoq.

 

PDF-iliariukEmbed

Allaaserisaq nittartakkannut iliguk (Embed)

"Avallunneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk