vælg et emne
... sammisaq toqqaruk

Manngertitsineq

NAPPAAT SUMIIPPA?
Nappaat inalugarsuarmiippoq.

NAPPAAMMUT SUNA PISSUTAAVA?
Nerisassat nerisimasavit inalukkakkut arriippallaamik ingerlasarnerat tamatigungajak pissutaasarpoq.

NAPPAAT QANOQ MALUGISSAVIUK?
Naarlulissaatit, naarlunnerit tammaqqittarlunilu takkuteqqittassaaq naannilu assigiinngitsuni inissisimasassalluni. Merianngulersinnaavutit nerisassatillu illigiunnaarlugit, kissarneqalissanngilatilli. Naatit pullassapput, anallu nuattaqalersinnaavoq. Anareeraangavit anniarunnaamisassaatit, amerlanertigulli anassatit tamakkerlugit anisissimanagit malugisassavat.

NAPPAAT QANOQ KATSORSARNEQASSAVA?
Timigissarneq, nerisat pilersaarusiornerat kiisalu imerpalasunik iisaqarluartarnikkut manngertitsineq nalinginnaasumik katsorsarneqarsinnaavoq.
Nakorsaat inalukkamik sulillualersitsisartoq (Dulcolax) imaluunniit anarsaat (Lactulose) inalukkamut imermik milluaatitsisartoq manngertitsingaatsiaruit pisinnaavat. Loppefrøskaller atorsinnaavatit.
Utoqqaanerusuni ilaatigut itikkut immersilluni anarsaaneq (lavement) pisariaqarsinnaasarpoq.

NAMMINEQ QANOQ ILIORSINNAAVIT?
Manngertitsinaveersaarlutit nammineq qanorsuaq iliuuseqarsinnaavutit. Ullormut minnerpaamik ataasiarlutit anartarnissat isumagissavat, taamaattumillu assut imerluartassaatit kiisalu ipaasaqarluartunik nerisaqartarlutit, soorlu naatitanik iffianillu aseqqorluttunik. Aamma immuit atorlugit tunisassiat pivallaarnaveersaassavatit, soorlu assersuutigalugu immuk, yoghurt immussuarlu.
Akutsunngitsumik timigissartarnissaq pingaaruteqarpoq, taamaaliornikkut inalukkat sulinerat nukittortinneqartarmat.
Inalukkami nappaatinut allanut ulorianarnerusunut manngertitsinerup nassataqarsinnaanera eqqaamassallugu pingaaruteqarpoq.
PDF-iliariukEmbed

Allaaserisaq nittartakkannut iliguk (Embed)

"Manngertitsineq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk