vælg et emne
... sammisaq toqqaruk

Siummik maqisoorneq / siutip ilua'tungaani aseruuttoorneq

NAPPAAT SUMIIPPA?
Siutip ingalaasartaata ilua'tungaani, meeqqaniinnangajak.

NAPPAAMMUT SUNA PISSUTAAVA?
Siutip ingalaasartaata ilua'tungaani aseruuttoornermi bakteeriat* imaluunniit virus pissutaasarput. Siutip ingalaasartaata ilua'tungaata qinngallu ilua'tungaata akornanni silaannalersorfiup sullua milikkaagat tamanna amerlanertigut pisarpoq.

NAPPAAT QANOQ MALUGISSAVIUK?
Siutip ingalaasartaata ilua'tungaani aseruunneqalerneq qinngap ilua'tungaatigut aseruunneqalernerup tamatigugajak nassatarisarpaa. Annialissaatit, immaqalu kissarneqalerlutit. Naggataatigut siutivit ingalaasartaa* putussaaq, marnerlu qasertumik qalipaatilik maqilissalluni.

NAPPAAT QANOQ KATSORSARNEQASSA?
Siut imermik kissalaartumik tarajulikkamik errortorneqartarpoq, amerlasuutigut seernartumik akusamik. Siut marnermik maqiuartillugu errortuineq taanna ullormut ataasiarlugu marloriarluguluunniit ingerlanneqartassaaq. Angerlarsimaffinni illit siutit - imaluunniit qitornavit siutaa - nammineerlutit taamatut errortorluarsinnaavat. Errortuutissamik napparsimmavimmit tunineqassaatit.
Siutip ingalaasartaata ilua'tungaaniittup sullup ammaqqinnissaanut qinngamut serpartaat iluaqutaasinnaavoq.
Naalungiarsuunerusunut penicillin atorlugu katsorsaasoqarnerusarpoq.

NAMMINEQ QANOQ ILORSINNAAVIT?
Qitornat naleqquttumik oqortumillu nasaqartissavat. Unnuakkut niaqoq qullarsimaartillugu innanganissaq silatusaarneruvoq, silaannarissarluartarnissarlu pingaaruteqarpoq. Taamatuttaaq tupap pujuanut ingalassimaniarnissaq pingaaruteqarluni.
Nipaallisaatit pitsaasut pisiniarfinni pissarsiarisinnaavatit.
Meeqqat meeqqerivinniittut - tassa pingasuniit qummut ukiullit - Paracetamol-ip affaanik pisariaqartitsinerat naapertorlugu tunineqarsinnaapput, amerlanerpaamilli ullormut pingasoriarlugit. Meeqqat atualereersut ullormut amerlanerpaamik pingasoriarlugu Paracetamol-imik iluitsumik tunisinnaavatit.
PDF-iliariukEmbed

Allaaserisaq nittartakkannut iliguk (Embed)

"Siummik maqisoorneq / siutip ilua'tungaani aseruuttoorneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk