vælg et emne
... sammisaq toqqaruk

Kissarneqarluni noqartarnerit

NAPPAAT SUMIIPPA?
Timimi tamarmi.

NAPPAAMMUT SUNA PISSUTAAVA?
Meeqqat ilaasa kissarneqartillutik noqartarnerannut suna pissutaanersoq ilisimaneqanngilaq. Meqqat inuuneranni ukiuni pingasuni-sisamani siullerni noqartarneq takussaanerusarpoq.

NAPPAAT QANOQ MALUGISSAVIUK?
Kissarneqaleraanni amerlanertigut uulikulaartoqartarpoq. Tamanna nalinginnaalluinnarpoq. Noqartarnerli allaavoq. Taanna aallartittarpoq meeqqap ilimajunnaarneratigut. Tamatuma kingorna meqqap talii niuilu sakkortoqisumik qisuariaqattaartarput, niaqualu tunummut sanimullu qissakartarluni. Meeqqap isai "qilammut" aarlortarput.
Amia asinngartarpoq immaqalu tungujortilluni.
Noqarneq minutsialuit ingerlareeraangata qaangiuttarpoq. Qisuariartarnerit annikilliartussapput, meeraq nukillaangalissaaq taattorissillunilu kiisalu ilisimmaqqilluni.

NAPPAAT QANOQ KATSORSARNEQASSAVA?
Kissarneqarluni noqartarneq qaangiuttarpoq, ataasiaannarlunilu noqarsimaneq katsorsaatissinneqarneq ajorpoq. Meeraq aappassaanik noqarpat angajoqqaat nakorsaammik (Stesolid) angerlaatassaminnik tunineqassapput. Meeraq noqaqqippat nakorsaat tunniunneqassaaq.
Meeraq kissarneqarnerit tamaasa noqartaannarpat nillaallatsinneqarnissaa pingaaruteqarpoq, tassa meeraq atisaajarlugu tungiinnarmillu qipeqartillugu, kiisalu nillataartunik imigassittarlugu.
Ilaannikkut angajoqqaat qinnuigineqartarput meeraq 38,5 gradinik kissarneqartillugu nakorsaammik (manguttagaq*) noqarnaveersaammik tuneqqqullugu.

NAMMINEQ QANOQ ILIORSINNAAVIT?
Qitornat kissarneqarluni noqarpat eqqissillutit tigussavat. Takusaq nuanninngilaq, meeqqalli inuunera peqqissusaalu pillugit ernumassuteqarnissamut pissutissaqanngilaq. Eqqissillutit meeraq peqqinnissaqarfimmukaaguk, pisoq pillugu oqaloqatiginnigit tullianilu noqarnissaanut immaqa nakorsaammik pillutit.
PDF-iliariukEmbed

Allaaserisaq nittartakkannut iliguk (Embed)

"Kissarneqarluni noqartarnerit". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk