vælg et emne
... sammisaq toqqaruk

Amerlunneq

NAPPAAT SUMIIPPA?
Amermi. Amerluut timimi tamarmiissinnaavoq, inersimasunili assanni talinilu, akulaanni, itip eqqaani (taqqat suanngarnerannut atatillugu) kiisalu qaqutigoornerusumik niuni takussaanerusarpoq.
Meeqqani amerluut ikusinni, seeqquni kiinnamilu takussaanerusarpoq.

NAPPAAMMUT SUNA PISSUTAAVA?
Nappaammut suna pissutaarpiarnersoq ilisimaneqanngilaq, inuilli ilaasa amii assigiinngitsunut pissusissamisuunngitsumik qisuariartartut naluneqanngilaq. Tassani saffiugassat, plastikkit ilaat, nerisassat ilaat kiisalu nerisassani mamakujuttunilu qalipaatissiat pissutaasinnaapput. Imaakkajuttarpoq ukiorpassuarni tamakku sapersimanngikkaluarlugit tassanngaannaq timi qisuariartoq, assersuutigalugu amerlulerluni.
Aseruuttoornermut, timip panerneranut ippigiatorneranullu atatillugu aamma amerluttoqalersinnaavoq.

NAPPAAT QANOQ MALUGISSAVIUK?
Amerluutit qanoq ingasatsiginersoq apeqqutaavoq. Amerluut ungilatsitsiuaannarpoq, ajorsiartuinnartillunilu ungilannarsiartuinnartarluni. Amivit panerpallaaginnarnera pissutaasinnaavoq, taamaakkaluartoq amit aappaluttunik simertitilersinnaavoq, kiisalu qulluulersinnaallunilu ammasunik ikeqalersinnaavoq.

NAPPAAT QANOQ KATSORSARNEQASSAVA?
Amit panerpallaanngisaannassaaq. Immannguaq amerlunneq tarngummik isugutsertitsisartumik katsorsarneqartarpoq, taassuma ameq qitulisittarpaa, assersuutigalugu Carbamid-creme imaluunniit Decubal. Amerluutinut ajornerusunut hormonsalvet (Cortison-salve) peqqinnissaqarfimmit tunniunneqartarput. Amerluut aseruunneqarpat penicillin atorlugu katsorsarneqassaaq.
Iluamilli katsorsaasoqassappat akuutissaq timivit sapigaa nassaarisariaqarpoq, taassuminnga nassaarniarnermik peqqinnissaqarfiup ikiorsinnaavaatit.


NAMMINEQ QANOQ ILIORSINNAAVIT?
Amivit eqqiluitsuutinnissaa qituttuutinnissaalu isumagiuaannassavat. Tarngut amermik qitulisitsisartoq pisiarisinnaavat, soorlu Carbamid-creme. Amerluutinut tarngutip atornissaanut ilitsersuut malittuaannassavat. Illit aamma nammineerlutit eqqumaffiginiarsinnaavat amerluutit sumi qaqugukkullu takkuttarnersoq, kiisalu amerluutit qanoq pissusilersornersoq. Taamaaliornerit akuutissap sapikkavit nassaarineqarnissaanut ikiuutaasinnaavoq.
Arnarpassuit meeraanerminni nikkel-imik akulimmik akikitsunik iveruteqartarput, ilarpassuilu ukiut arlallit qaangiunneranni amerluuteqalersarput. Pitsaasutut siunnersuutigineqarpoq iverutit kuultiusut siilviusullunniit kisiisa atorneqarnissaat.
PDF-iliariukEmbed

Allaaserisaq nittartakkannut iliguk (Embed)

"Amerlunneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk