vælg et emne
... sammisaq toqqaruk

Nataqqut qiteraliup akornanniittut qiteqqamut illikarnerat

NAPPAAT SUMIIPPA?
Nappaat qimerlummiippoq. Makitsiup ataatungaani imaluunniit qungatsip ataatungaani nappaat  inissisimanerusarpoq.

NAPPAAMMUT SUNA PISSUTAAVA?
Qimerluup saarngisa akornanniittut nataqqut kilitaasat siumut sanimulluunniit illikarnerminni qiteraq imaluunniit qiteqqamit ingerlasut sianiutit annerit ilaat ataaseq naqittarpaa. Piffissap sivisuup ingerlanerani arriitsuinnarmik taamaaliartorsinnaavoq, aammali kukkusumik inissisimallutit oqimaatsumik kivitsininni tassanngaannaq pisinnaavoq.

NAPPAAT QANOQ MALUGISSAVIUK?
Discup prolaps sunniuttarpoq amerlanertigut timip illuatungaannaani malugineqartartumik - qitermi, talermi, assammi, isikkami imaluunniit niumi. Annernarpoq amerlu eqqumiitsumik misinnartarpoq, soorlu kakillaalutsitsilluni ilisimajunnaarsinneqarsimasutulluunniit  illuni.

NAPPAAT QANOQ KATSORSARNEQASSAVA?
Timikkut sungiusaaneq kisiat atorlugu amerlanertigut katsorsaasoqartarpoq, sungiusarnissamut ilitsersuutit Peqqinnissaqarfimmit tunniunneqartarput. Qimerlummi ajoquserfiusumi nukiit sukattoorsimasut qasukkartinneqarnissaat tassani pineqarpoq. Sungiusarnikkut nataqqoq kilitaasaasoq amerlanertigut inisseqqinneqartarpoq. Pilattaasariaqarneq qaqutiguinnaq pisariaqartarpoq, sianiulli sivisuallaamik naqissimaneqarsimappat ilaannikkut pilattaasoqartariaqartarpoq. Tassanngaannaq ajoqusertut sivikitsumik innangatillugit nipaallisaatinillu nakorsaasersorlugit katsorsarneqartarput. Mianersortumik nukittorsaqqinneqarnissaat piaartumik aallartinneqartarpoq.

NAMMINEQ QANOQ ILIORSINNAAVIT?
Naami qitermilu nukiit nukittorsarneqartarnissaat pingaaruteqartuaannarpoq, inuillu tamarmik naleqquttumik timigissartariaqaraluarput. Discus prolapseqarsimaguit sungiusaatissat pisimasatit malillugit nukittorsarnissat pingaaruteqarluinnarpoq. Aamma pingaaruteqarpoq oqimaatsunik iluamik kivitsisarnissap ilinniarnissaa. Oqimaatsunik kivitsinermi niut peqinneqartussaapput, qitiunngitsoq.

KALERRISAARUT
Amivit ilisimajunnaaqqasutut misinnarnera ilutigalugu qitinni kiisalu talivit illuani imaluunniit niuit illuani annialeruit peqqinnissaqarfimmut saaffiginnissaatit.
PDF-iliariukEmbed

Allaaserisaq nittartakkannut iliguk (Embed)

"Nataqqut qiteraliup akornanniittut qiteqqamut illikarnerat". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk