vælg et emne
... sammisaq toqqaruk

Torluup aqqutaani ataavartumik nuanneq, inersimasuni

NAPPAAT SUMIIPPA?
Anersaartorfinni annerusuni.

NAPPAAMMUT SUNA PISSUTAAVA?
Tassanngaannaq torluup aqqutaatigut nuffaserneq isumaqarpoq puaat anersaartorfissaqarfiatigut aseruunneqalerneq, (puammi sulluaqqat).
Ataavartumik nappaateqarnermi tamatigungajak pujortartarneq pissutaasarpoq.
Inunni ukiuni 20-30-ni pujortartarsimasuni nappaat nalinginnaasorujussuuvoq. Puanni nuak annertunerusoq pilersinneqartarpoq, puaallu nuak katatsissinnaajunnaartarpaat.
Nuak puanniittoq bakteerianut ineriartorfiulluartarpoq, taamaattoqartillugu ajornannginnerusumik aseruuttoqalersarpoq.
Nalinginnaasumik nuak qasertumik qaamasumik qalipaateqartarpoq. Nuak qorsorpalorujuttoq-sungaarujuttoq aseruuttoqarneranik takutitsisuugajuppoq. Nuak aattaqarsinnaavoq.  Tamanna ajortoqarneranik isumaqartariaqanngilaq, peqqinnissaqarfimmulli saaffiginnissaatit misissortillugulu.
Nappaat sapigaqarnermik pissuteqartumik anernikilliortarnermut paarlaanneqassanngilaq.
Aseruuttoornertaqanngippat, sulili ataavartumik puanni ippigiatortitsippat, taava taanna taaneqartarpoq pujortartartut puaat imaluunniit pualluut ataavartumik akornutilik.

NAPPAAT QANOQ MALUGISSAVIUK?
Ullaakkut quersorlutit nuak kinertoq katagartissavat, anertikkaqqajaasunngussaatillu.
Sakissat kiisalu tuinni nukit ippigisinnaavatit, taakkuummata quersorninni atortakkatit.

NAPPAAT QANOQ KATSORSARNEQASSAVA?
Nuaap katatsinnissaanut Kamillete iluaqutaasinnaavoq. Anersaartorfinnik neruttortitsisartumik nakorsaaserneqarsinnaavutit (Bricanyl imaluunniit ajornerutillutit Spirocort).
Pinartumik aseruuttoornermi penicillin tunniunneqassaaq.

NAMMINEQ QANOQ ILIORSINNAAVIT?
Siullermik pujortarunnaartariaqarputit. Nappaat ajornerulissanngippat tamanna pingaaruteqarluinnarpoq. Kalaallit Nunaanni inuit amerlaqisut ukiorpassuarni sikaritsituumalluarsimasut puaat "angivallaalertarput" "qeratavallaalersarlutilluunniit". Tamakku ajorunnaarsinneqarsinnaanngillat. Puaat iloqissertarput iluamillu pisinnaajunnaarlutik.
Timi atorlugu sammisaqarneq kiisalu nerisassat peqqinnartut allanngorartullu nappaammik pinaveersaartitsilluinnartuupput.
PDF-iliariukEmbed

Allaaserisaq nittartakkannut iliguk (Embed)

"Torluup aqqutaani ataavartumik nuanneq, inersimasuni". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk