vælg et emne
... sammisaq toqqaruk

Torluup aqqutaani nuanneq, meeqqani

NAPPAAT SUMIIPPA?
Anersaartorfinni annerusuni.

NAPPAAMMUT SUNA PISSUTAAVA?
Virus pissutaavoq. Inersimasut ataavartumik torlummi aqqutaatigut nuannerannut sanilliullugu meeqqat torlummi aqqutaatigut nuannerat allaanerulluinnarpoq. Meeqqat anersaartorfii mikisuupput ajornanngitsuaqqamillu nerukillisoorsinnaallutik. Meeraq torlummi aqqutaatigut nualeraagami, anersaartorfiini ameraasat pullalersarput, nuammillu katagartitsiniarnini ajornartorsiutigilersarpaa.

NAPPAAT QANOQ MALUGISSAVIUK?
Nappaat upernaakkut ukiakkullu atuunnerusarpoq. Meeqqanut angerlarsimafimmi paarineqartunut sanilliullugu meeqqani meeraaqqerivinni paarineqartuni nalinginnaaneruvoq.
Meeraq quersortorujussuusarpoq, pingaartumik innangatilluni. Taamaattumik meeraq unnuami quersornerusarpoq.
Nuffasernermut ilagitillugu torluup aqqutaatigut nuffaserneq amerlasuutigut kissarneqartitsingaatsiartarpoq.
Ilaannili nuffasernertaqanngitsumik nappaatigineqartarpoq, taamaakkaangamilu kissarneqartitsineq ajorpoq imaluunniit ingasanngitsuinnarmik kissarneqartitsisarluni.

NAPPAAT QANOQ KATSORSARNEQASSAVA?
Meeraaqqat nappaataattut amerlanerpaatigut taaneqarsinnaavoq, taanna pingasunik ukioqalernerup missaanni nammineerluni qaangiuttarpoq.
Nakorsaat (Bricanyl) sunniulluartartorujussuaq meeqqallu ajorinngisaat pisinnaavat. Meerarli ullut pingasut sinnerlugit kissarneqarpat, taava bakteeriat aseruutsitsilernerannik tamanna pissuteqarsinnaavoq, taamaattoqartillugu penicillin atorlugu katsorsarneqartariaqassaaq.

NAMMINEQ QANOQ ILIORSINNAAVIT?
Meeraq innanngavianit tigujuk.  Taamaaliornikkut quersornera ingasappallaarunnaassaaq.
Nillataartumiinneq meeqqamut pitsaanerussaaq.
Meeraq tupap pujuanut mianerilluinnarneqassaaq. Meqqap ameraasai ajoreersut tupap pujuata iluaalliortittarpai. Pujoq quersornerulersitsisarpoq kiisalu suli iluaalliortitsinerulersarluni.
PDF-iliariukEmbed

Allaaserisaq nittartakkannut iliguk (Embed)

"Torluup aqqutaani nuanneq, meeqqani". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk