vælg et emne
... sammisaq toqqaruk

Nakorsaatit inatsisitigut akuerisaasut

Liste toorlugu

Nakorsaatit nalunaarsorsimaffiat nakorsaatit pillugit inatsisartut peqqussutaanni nr. 1-imi, 12. maj 2005-imeersumi § 7, imm. 1, naapertorlugu inatsisitigut akuerisaapput 

Nalunaarsorsimaffik paasissutissanik makkuninnga imaqarpoq:
1.Nakorsaatip taaguutaa
2.Nioqqutissap normua
3.ATC-kode
4.Tunniussinissamut aalajangersakkat aamma ikinnerpaaffeqartitsineq
5.Nioqqutissiortoq


1-imut)
Nakorsaatip taaguutaa tassaavoq peqqinnissaqarfiup pisiffigisartagaata atugaa.

2-mut)
Nioqqutissat normuisa nakorsaasiortut, amerlasuunngorlugit tunisisartut aamma nakorsaataarniarfiit nakorsaatinik passussisarnerat patajaallisartarpaat, peqatigitillugu nakorsaatinik kisitsisitigut tatiginartunik paasissutissaateqarnissamut tunngavissaallutik.  

Nakorsaatit ataasiakkaarlugit nioqqutissiap normuanik normuligaasarput. Nioqqutissiap normua aallaavigalugu nakorsaatip aqqa, nakorsaatip suunera, sakkortussusaa, poortap annertussusaa tunniussinissamullu aalajangersakkat suussusersineqarsinnaapput.

3-mut)
ATC-kode paasineqassaaq nakorsaatit ima immikkoortiterneqarsimasut ”Anatomical Therapeutic Chemical classification system” (Timip ilusaanik ajorunnaarsaalluni sananeqaatinik immikkoortiterinermut aaqqissuussineq).

Immikkoortunut pingaarnernut takussutissiaq
A Nerisanik arrorsaaneq aamma timip inuussutissaminik suliarinninnera
B Aak aamma timip pisatai aaliortut 
C Uummat aamma aap kaaviiaarnera
D Amerluutinut atortut
G Tartunut, quup aqqutaanut kinguaassiutinullu tunngasut aamma hormonit suiaassusermut tunngasut
H Hormoninut tunngasut
J Nappaatit aseruuttoorutaasartut, timip sannaanut tamarmut atortut 
L Tinusoornernut aamma akiuussutissaqarnerup patajaallisarneqarnissaanut atortut
M Nukiit, naggussat aamma saarngit
N Qarasaq qiterarlu 
P Miluuttunut tunngasumik ilinniarneq 
R Anersaartornermut tunngasut
S Sianissutit / misigissutit 
V Assigiinngitsut

4-imut)
Nakorsaatit tunniunneqartartut pingasunut immikkoortitigaapput:
A: nakorsaatit nakorsamit nakorsaasiussassat nalunarsugassallu
Nakorsaatip nalunaarutigineqartussaanera isumaqarpoq, nakorsaatinik allattorsimaffimmi A-miittunik atuineq pillugu paasissutissanik nalunaarutiginnittussaaneq pillugu Namminersornerullutik Oqartussat nalunaarutaanni maleruagassat naapertorlugit nakorsaammik pineqartumik atuinerup nakkutiginnillutik oqartussaatitaasunut nalunaarutigineqartussaanera

B: nakorsaatit nakorsamit nakorsaasiussassat

Nakorsamit, uumasut nakorsaannit imaluunniit peqqissaanermik sulialimmit allamit sulisinnatitaanermut uppernarsaatilimmit nakorsaasiussassat

 

H-MIN hhv H: nakorsamit allagartalerneqarani pisiassat.
H-MIN
Isumaqarpoq nakorsaat ikinnerpaaffeqartitsinermi ilaasoq.
Nakorsaatinik niuertarfinni pisiassanik tuniniaanissamut passussinissamullu akuersissuteqartarneq pillugu nalunaarummi § 11 naapertorlugu nakorsaatit tuniniagassat ikinnerpaaffissalerneqarneranni pineqartoq tassaavoq, nakorsaatit  naleqquttumik amerlassuseqartillugit uninngasuutigineqassasut:
”Naleqquttumik amerlassuseqartillugit uninngasuutit” isumaqarpoq, illoqarfiup nunaqarfiulluunniit angis¬susia naapertorlugu nioqqutissanik pineqartunik ilisivinniittuuteqarnissamik pisiniarfiup isumannaarinnissimanissaa. Akuersissummilli pigisaqartoq, pisuni assersuutigalugu silap ajornera pissutigalugu, imaluunniit naatsorsuutiginngisamik atuivallaarsimaneq pissutaalluni, amigaateqartoqartarsinnaaneranut pisuutinneqarsinnaassanngilaq.

H
Nakorsaat niuertarfiup tuniniartariaqanngisaa tuniniarsinnaasaali.

5-mut)
Allattorsimaffimmi nioqqutissiortutut allanneqarsimasoq tassaavoq tuniniaanissamut akuersissuteqartoqarnissaanik qinnuteqarnermi nioqqutissiortutut imaluunniit akisussaalluni eqqussuisutut allassimasoq.

PDF-iliariukEmbed

Allaaserisaq nittartakkannut iliguk (Embed)

"Nakorsaatit inatsisitigut akuerisaasut". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk