vælg et emne
... sammisaq toqqaruk

Tuberkulose

Piviusoq
Tuberkulose nappaataavoq tuberkelbakteriamik taaneqartumik peqquteqartumik tuniluuttartoq. Nappaat antibiotikanik assigiinngitsunik katsorsarneqarsinnaavoq.

Tuberkulose ukiorpassuarni nakkutigineqarsinnaasimavoq, ukiunili qulini kingullerni tunillatsittartut amerliartoqqilersimapput. Peqqinnissaqarfiup massakkut nappaammut tunngatillugu killiffik imaannaanngilluinnartutut nalilerpai.

Kalaallit Nunaanni TB-mik akiuiniarnermi iliuusissatut siunniussat nutaanerpaat 2017-imiit 2021-mut atuuttussat suliaralugit aallartippagut. Tamatumani 2050 nallertinnagu TB-p nappaatigineerunnissaa 2025- ilu nallertinnagu TB-mik nappaateqalersartut innuttaasut 100.000-iuppata 72-inngorlugit affaannanngortinnissaat anguniagaavoq. 2017-imi innuttaasut 100.000-iuppata 107-iupput. Iliuusissatut siunniussap angunissaa aqutsinikkut toqqammaveqarnissamik, suliffeqarfiit akimorlugit suleqatigiinnermik peqqinnissaqarfimmillu ingerlalluartumik piumasaqaatitaqarpoq. 

 


Sanigorneq, quersorneq qitserarneq, qasoqqaneq unnuakkullu aallertarneq
Tuberkulosernermi sunniutit arlaliusinnaasut nalaanneqarsinnaapput: kissarneqarneq, unnuakkut aallertarneq, nerisassanik illigisaqannginneq, sanigorneq qasoqqanerlu. Aamma puatsigut tuberkuloseqaraanni quersortarneq aamma qaqortuusinnaasumik, sungaarujullunilu qorsorpaluttuusinnaasumik aagasaartumilluunniit qitserartarneq nalinginnaapput.

Nappaateqarpoq tuberkulosetulli malunniuttartunik allanik, soorlu puatsigut nipititsineq aamma pujortartutut puaninneq. Sapaatit akunneri pingasut sinnerlugit quersortuaraanni nakorsiartariaqarpoq misissortilluarlunilu.

Nakorsap assigiinngitsunik misileraanermigut tuberkuloseqartoqarnersoq paasisinnaavaa.

Attavissaqqissut 
Paasissutissat sukumiinerusut najukkanni peqqissaavik attavigalugu pissarsiarikkit.

 

PDF-iliariukEmbed

Allaaserisaq nittartakkannut iliguk (Embed)

"Tuberkulose". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk