vælg et emne
... sammisaq toqqaruk

KOL - puakkut nappaateqarpunga

Piviusoq
Kronisk Obstruktiv Lungesygdom – ilaasa taasartagaat pujortartartut puaat – ataavartumik nappaataavoq. KOL tassaavoq puakkut uumisaartittuarneq ataavartoq puakkut tinusoornernik aamma anersaartornerup aqqutaatigut uuminartoorneq kiisalu nuaqarnerulernermik kinguneqartartoq.
Taamatut atugaqarneq quersortarnertigut takussutissartaqarpoq, silaannaap sulluatigut nuaqarneq anersaartornerliortarnerillu – aallaqqaataani, aalatilluni, kingornalu nappaateqarnerup allinerani uninngaannarnermiluunniit anersaartorniarneq ajornakusoortunngortarpoq.
Nappaat amerlasuutigut pigineqarusaartuaannartuuvoq nappaateqarnermut ersiutit siulliit  atuutilinnginneranni, nappaalli nalinginnaasumik paasineqarajuttarpoq aatsaat puuap sulisinnaassusiata affaata atorsinnaajunnaarnerata kingorna.


Nappaammik suussusiliineq qanoq paasiniarneqartarpa?
Suussusiliineq paasiniarneqartarpoq nakorsamut puaat sulisinnaasusiata uuttortartinneratigut.

KOL sumik pissuteqarpa?
Pujortartarneq nappaammut pissutaasarpoq 80-90 %-iini. Pissutaasut allat tassaasinnaavoq mingutsitsineq.

Kina misissorneqassava?
Pingaaruteqarpoq puaat peqqissusiata misissortittarnissaa 35-it qaangerlugit ukioqarsimagaanni, pujortartartuugaanni pujortartarsimagaanniluunniit AAMMA makkuninnga ersiutinik peqaraanni:
• Quersortarneq
• Anersaartorniartarnermi ajornartorsiuteqartaraanni, soorlu assersuutingalugu majuartarfikkoortilluni taamatut ersertoqaraangat
• Nuaqartarneq annertusigaangat
• Anersaartuutip sulluatigut nappaatinik tunillatsikulagaanni.


NEQEROORUTIT
Peqqinnissaqarfiup iliuuserisinnaavai:
• Puuat sulineranni uuttortaasinnaapput taamaaliornikkut KOL-ip qanoq annertutiginera pillugu naliliisinnaanissaq anguniarlugu.
• Qanoq inooriaaseqarsinnaanissamut siunnersuisinnaallutik.
• Nakorsaatissanik tunniussaqarsinnaapput – anersaartorniarnermut iluaqummik ajorluinnaraangalluunniit iisartakkanik tunniussaqarsinnaapput
• Akulikitsumik nappaatip takujumasarnissaanik piumaffiginnissinnaapput.

Nakorsaatit puaat sulisinnaassusiannik nalinginnaasunngortitseqqissinnaanngillat.


Illit nammineq qanoq iliorsinnaavit?
• Pingaarnerpaavoq pujortarunnaarnissaq. Taamaallaat pujortarunnaarnerup nappaatit sukkasuumik alliartuinnarnera unikaallatsissinnaavaa.
• Timimik aalatitsiuarneq KOL-ip akiorniarneranut iluaqutaasinnaasut pingaarutillit ilagaat.
• KOL-eqaraanni pingaaruteqarpoq nappaatip suuneranik ilisimasaqalernissaq, tamanna taamatut nappaat atorlugu inuunerup pitsaanerpaamik qanoq ittuusinnaanissaanik paasisimasaqarnerulersitsisarmat.
• Nakorsaatitortarnissaq pisariaqartarsinnaavoq.
• Ukiumoortumik napparsimasarnissamut influenzamut kapitinnissaq kaammattuutaavoq. Allatulluunniit ittunik iluaqutissanik kapitittoqarsinnaavoq.


PAASISSUTISSAT
Itinerusumik atuarit
Inuuneq tunissutaavoq – Inuunermi pissutsinut najoqqutassaq

aamma Peqqinnissaqarfimmi pissarsiarineqarsinnaavoq.

Saaffigisassat
Najukkanni peqqinnissaqarfik saaffigiuk

 

PDF-iliariukEmbed

Allaaserisaq nittartakkannut iliguk (Embed)

"KOL - puakkut nappaateqarpunga". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk