vælg et emne
... sammisaq toqqaruk

Nakorsaataasivik, nakorsaatit akiuussutissallu

Nakorsap innersuussuteqarneragut aatsaat nakorsaatinik tunniussineq:
Nakorsaatinik innuttaasunut tunniussineq nakorsap allagartaliineragut pisarpoq akeqaranilu. Takornarissat inuillu aalajangersimasumik nunatsinni najugaqanngitsut/ imal. qaammatit arfinillit inorlugit nunatsinniittut, pinasuartumik nakorsaasiuttariaqanngitsut namminneq akiligassaraat. Tamakku ilaatigut tassaapput naartunaveersaatit p-pillit, aap taqqanut naqitsineranut apparsaatit, anernikilliornermut astmamut nakorsaatit, sapigaqarnermut nakorsaatit, isinut kuseriartaatit ilaalu ilanngullugit.

Nakorsaatit nakorsamit allagartaqarani pisiassat
Nunatta Nakorsaataasivia nakorsaatinik nakorsamit allagartaqarani pissarsiarineqarsinnaasunik nioqquteqanngilaq. Nakorsaatit nakorsamit allagartaqarani pissarsiassat; nipaallisaatit sakkukitsut, queruersaatit, sapigalinnut nakorsaatit, pujortarunnaarnianut iluaqusersuutit ilaalu ilanngullugit illoqarfimmi pisiniarfinni pisiarineqassapput.
Nakorsaatit nakorsamit allagartaqarani pissarsiassat Nunatta Nakorsaataasiviani pissarsiarineqarsinnaapput nakorsamilli allagartaligaanissaat piumasaqaataavoq.

Nakorsaatit nakorsamit allagartaqarani pisiniarfimmi pisiassat suuppat?
Nakorsaatit nakorsamit allagartaleqqaarnagit pissarsiarineqarsinnaasut suuneri nalornissutigigukkit, una toorlugu suuneri paasisaqarfigisinnaavatit.

Nappaatinut akiuussutissat 
Akiuussutissat tamarmik nakorsamit inassuteqaataasarput.

Meeqqanik akiuussutissiisarnermut maleruagassiaq
Akiuussutissat, meeqqanik akiuussutissiisarnermut ilaasut akeqanngillat.

Sulisunik akiuussutissiineq
Akiuussutissat, suliffimmut tunngatillugu tunniussat sulisitsisumit akilerneqartarput. Akiuussutissinneqartartunut ilaapput eqqaavilerisut/anartarfilerisut, qimminik toqoraasut, peqqinnissakkut sullissisut uumasullu nakorsaat.

Nunanut allanut angalanissaq sioqqullugu akiuussutissiineq
Nunanut allanut angalanissamut atatillugu meeqqanut inersimasunullu akiuussutissat angalasussamit akilerneqartarput. Akiuussutissanik tamanik sillimmateqartuaannannginnatta, akiuussutissat pissarsiariniarnissaat pillugu aallarnissaq minnerpaamik sap. ak. tallimanik sioqqullugu allagartalerneqaqqulutit nakorsamut attaveqarnissat innersuussutigaarput.

Akiliineq Landsapotekimi kortimik kisimi pisinnaavoq. Kortit atorsinnaasut ukuupput: Akiliut, Dankort, Visakort, Mastercard allallu debit kortit.
Qitiusumik immikkoortortani akiuussutissat aningaasanik akilerneqassapput. 
Akiuussutissat akii attavimmi uani takusinnaavatit.

Nualluummut Influenzamut akiuussutissinneqarneq
Nualluummut akiuussutissaq oktobari qaammat pissarsiarineqartarpoq. Nalunaaruteqarnikkut utoqqalinersiallit, anigugassaanngitsunik nappaatillit allallu nakorsap naliliineragut akeqanngitsumik akiuussutissinneqarnissamik neqeroorfigineqartarput. Allat tamarmik nakorsap allagartaliineragut akiliillutik akiuussutissinneqarsinnaapput.

Nakorsaatit killissaminnik qaangiisimasut 
Nakorsaatit killissaminnik qaangiinikut atorunnaakkallu Nunatta Nakorsaaataasivianut suujunnaarsitassanngorlugit tunniunneqassapput.

 

PDF-iliariukEmbed

Allaaserisaq nittartakkannut iliguk (Embed)

"Nakorsaataasivik, nakorsaatit akiuussutissallu". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk