vælg et emne
... sammisaq toqqaruk

Peqqinnissaq pillugu ilisimatusarnikkut ingerlatanut tapiissutit

PAASISSUTISSAT

Kalaallit Nunaanni Peqqinnissaq pillugu Ilisimatusarnikkut Ingerlatat pillugit Siunnersuisoqatigiit Kalaallit Nunaanni peqqinnissakkut ilisimatusarneq nukittorsagassaraat, ilisimatusarnerillu pillugit inuiaqatigiinni oqallinnermik pilersitseqataassallutik.

Siunnersuisoqatigiit peqqissuunissamut pilersaarutit Kalaallit Nunaannut attuumassuteqartut tapersernissaannut ilisimatusarnikkut ingerlatanut tapiissutissaateqarput.

Siunnersuisoqatigiit aningaasaliisut allat aningaasaleeqatigalugit pilersaarutinik ineriartortitsinissat taperserusuttarpaat. Pingaartinneqarpoq Kalaallit Nunaannut tunngasuunissaat naaqqaveqarnissaallu. Tunngassuteqarnera naaqqaveqarnera najukkamilu suleqatigisat qinnuteqaammi allassimassapput.


Iliuuseqarfiginiakkat makku pilersaarutigineqartut salliutinneqassapput:

1. Nappaatinik malittarinninnerup inuiaqatigiinni ineriartornermut pingaaruteqarnera.
2. Meeqqat Nunatsinniittut, aammattaaq ilaqutariit inuttut peqqissuuniarnermilu pissusilersuutaat.
3. Inuttut piffinnilu assigiinngitsuni peqqissuunermi naligiinngissuseq, nunaqarfinni peqqissutsimut tunngasut ilanngullugit.
4. Peqqinnissamut tunngatillugu sullissinermi ilisimatusarneq aamma pitsaaliuinermi ilisimatusarneq, ilanngullugu akuliussinnaanermik ilisimatusarneq.
5. Inuit sananeqaataannik ilisimatusarneq.

Ilisimatusarnissamik pilersaarutit tamarmik Kalaallit Nunaanni Peqqinnissaq pillugu Ilisimatusarnikkut Ingerlatat pillugit Siunnersuisoqatigiinnut Ilisimatusarnermi ileqqorissaarnissamut Ataatsimiititaliamit nalilerneqartassapput. Sukumiinerusunik paasisaqarumagaanni Nunatsinni Nakorsaaneqarfiup nittartagaaniipput.


NEQEROORUT
Kalaallit Nunaanni Peqqinnissaq pillugu Ilisimatusarnikkut Ingerlatat pillugit Siunnersuisoqatigiit ukiut tamaasa agguaassassatut 300.000 kr. sinnerlugit aningaasaatigisarpaat.
Qinnuteqaateqarnissamut ukiumut marloriarluni piffissarititaasut: martsip aallaqqaataa aamma oktoberip aallaqqaataa.


SAAFFIGINNINNISSAMUT PAASISSUTISSAT
Qinnuteqaat ima nalunaaqutserneqassaaq: ”Sundhedspuljen”, pdf filitullu ataatsimoortillugu mailikkut uunga nassiunneqassalluni:

Qinnuteqaat ima nalunaaqutserneqassaaq: ”Sundhedspuljen”, pdf filitullu ataatsimoortillugu mailikkut uunga nassiunneqassalluni:


Peqqissutsimut Naalakkersuisoqarfik: pn@nanoq.gl

Paasisaqarnerorusukkaanni attavissat:

Nakorsaq
Gert Mulvad
Dronning Ingridip Peqqissaavia Nuummi
Oqarasuaat: (+299) 34 44 81
E-mail: gm@peqqik.gl

imaluunniit uunga

Julie G. F. Kristensen
Peqqissutsimut Sulianut Siunnersorti
Peqqissutsimut Naalakkersuisoqarfimmi
Oqarasuaat: (+299) 34 66 28
E-mail: jgfk@nanoq.gl 


QINNUTEQAATIT
Peqqinnissaq pillugu ilisimatusarnikkut ingerlatanut tapiissutinik qinnuteqaat (nettimiit aaneqassaaq)

Qinnuteqaatip inuiaqatigiinnut kalaallinut pingaaruteqarnera qinnuteqaammi nassuiarneqassaaq. Pilersaarut Kalaallit Nunaanniit aallarnerneqassanngippat suleqatissat nunatsinneersut qinnuteqaammi uppernarsarneqassapput.

Qinnuteqaammut makku ilanngunneqassapput:
• CV (ukiuni kingullerpaani tallimani saqqummersissimasat ilanngullugit)
• Pilersaarutip nassuiarneqarnera (amerlanerpaamik qupp. 5)
• Missingersuutit
• Ilisimatusarnermi ileqqorissaarnissamut Ataatsimiititaliamut nalunaarutigineqarsimaneranut uppernarsaat

Qinnuteqaatit quppernermi matumani malittarisassanik nassuiarneqartunik eqquutsitsinngitsut naliliiniarnermi ilanngunneqassanngillat. Akuersissutisigaanni kingusinnerpaamik ukiut pingajuaqeqqata qaangiunnerani naatsorsuutit saqqummiunneqassapput.


ATORTUSSANIK ALLANIK PAASINIAAFFISSAT
Ilisimatusarneq – Kalaallit Nunaanni Peqqinnissaq pillugu Ilisimatusarnikkut Ingerlatat pillugit Siunnersuisoqatigiit

Grønlands Sundhedsvidenskabelige Forskningsråd Strategi 2012 

Nittartakkat allat:
Det Videnskabsetiske Udvalg for Sundhedsforskning i Grønland

 




PDF-iliariukEmbed

Allaaserisaq nittartakkannut iliguk (Embed)

"Peqqinnissaq pillugu ilisimatusarnikkut ingerlatanut tapiissutit". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk