vælg et emne
... sammisaq toqqaruk

Tarnikkut nappaatilinnut immikkoortortaqarfik A1

Sanamut Aqqut 2,
Postbox: 1001
3900 Nuuk
Oqarasuaat: (+299) 344 110 
Oqarasuaat: (+299) 344 120 - innersiuunneqarnikkut nakorsiartaruit
E-maili: psykiatrisk-sekretariatet@peqqik.gl
 

 
Uninnermi
Sulisunit tikilluaqquneqassaatit taava aamma nakorsap pigaartuusup misissorumaarpaatit. Ullup unnuallu siulliup ingerlanerani tarnip nakorsaaneranit oqaloqatigineqassaatit. 

Katsorsaanermi suleqatigiit
Unikkuit ataatsimik marlunnilluunniit sulisunik attaveqaateqartinneqalerumaarputit. Attaveqaativit illit nakorsarlu akisussaasoq suleqatigalusi uninnganinni, uninnganerpit sivisussusaa aallaavigalugu katsorsarneqar-nissat pilersaarusiorumaarparsi. Katsorsarneqarnerpit pilersaaarusiornera allaganngorlugu tigussavat. Katsorsartinnerni suleqatigiit ilinnut sullissisut immikkut assigiinngitsunik ilinniagaqarsimasuusinnaapput

Immikkoortortaqami sammisassat
Immikkoortortami assigiinngitsunik sammisaqartoqarsinnaavoq soorlu makku; spil, DVD-nik isiginnaarneq, iffiorneq, pisuttuarneq il.il.
Nammineq computerimik mobilimilluunniit nassataqaraanni periarfissaqarpoq attaveqaatinut (internet) isissummik akeqanngitsumik tuninineqarsinnaaneq.
Taamaattorli nassatat inuup
nammineq akisussaaffigai.

Uninngasut ataatsimiinnerat
Tallimanngornerit tamaasa nal. 11.00 uninngasut sulisullu ataatsimeeqatigiittarput, tassanilu ataatsimoorussamik sammerusutat isumaqatigiissutigineqarsinnaapput.
Naatsorsuutigineqarpoq sulisut illillu ataatsimiinnermi peqataanissarsi.

Ullaakkut eqaarsaarneq ataatsimiinnerlu
Eqaarsaarneq nal. 09:00 aallartittarpoq, taasumalu kingorna ullaakkut ataatsimiineq ingerlanneqartarluni. Uninngasut sulisullu ilaasussaapput katsorsartinnerup ilagimmagit. Tassani qaqugu nakorsamik oqaloqatiginnissasutit, ullormut sulerissanersutit Immikkoortortamilu sammisassaqartitsinerit aammalu Tarnikkut nappaatilinnut sammisassaqartitsivik  pillugit paasitinneqassaatit. Tassunga atatillugu ullormi tassani sulisup attaveqaatissavit atia tunniunnneqarumaarpoq. Uanilu uninngasut nutaat aammalu sulisut ilisaritinneqartarput.
Imigassaq aanngajaarniutillu
Imigassartorneq aanngajaarniutinillu atuineq immikkoortortaqarfimmi avataaniluunniit inerteqqutaavoq. Unioqqutitsineq illit katsorsarneqarninnut sunniuteqarsinnaavoq.
Illumi malittarisassat allagarsiivimmiittut takukkit.
Pujortartarneq
Pujortartarfiliani napparneqarsimasuni taamaallaat pujortartoqarsinnaavoq. Piffissani aalaangersimasuni Immikkoortortami matup paarnaaqqanerata nalaani 1 tiimikkaartunik pujortarsinaanermik piffissalersuisoqartarpoq.
                                  

Pisuttuarneq/Illoqarfiliarneq
Aallaqqaasiullugu ulloq unnuarlu siulleq immikkoortortaqarfimmiiginnassaatit. Tamatuma kingorna immikkut aneertarfissatit isumaqatigiissutigineqassapput.
Sapaatip akunnerata naanerani
Uninngasut ilaannut katsorsartinnermut ilagitillugu sapaatip akunnerata naalernerani angerlarsimasinnaaneq periarfissaasinnaavoq. Tassunga atatillugu attaveqaatigisaq nakorsarlu isumaqatiginiarneqassapput.

Pulaartarfiit
Ullut tamaasa: nal. 15-17.00 aamma nal. 19-21
Arfininngorneq sapaallu: nal. 10-17 aammalu 19-21
Meeqqat 18-it inorlugit ukiullit immikkoortortaqarfimmut iseqqusaanngillat. Taamaattorli meeqqanut 18-it inorlugit

 

Uninngasut oqarasuaataat
Nammineq mobiileqanngikkuit ullormut ataasiarlutit
immikkoortortaqarfiup uninngasunut oqarasuaataa ilaqutarnut ikinnguternulluunniit atorlugu sianersinnavutit.

Ilaquttaasut
Tarnimikkut Napparsimasut Immikkoortortaqarfianni isumaqarpugut ilaquttat inuilluunniit attaveqarfiit ilanngunneqarnissaat pingaartuusoq.
Ilaqutaasunut asasaq tarnimigut napparsimasoq isigalugu erloqinarsinnaavoq. Taamaattumik ilaqutaasut pulaarnissamut tikilluaqqusaajuaannarput aammalu sulisunut saaffiginnittarsinnaallutik
Nipangiussimasussaatitaavugut. Pingaaruteqarpoq paasissutissiissutigissallugu sulisut nipangiussimasussaatitaammata.
Illit akuersitinnak qaquguluunniit nappaatit ilaquttannut ingerlateqqinnavianngilarput.
Sulisut ilaqutaasunut paasissutissiisinnaapput tarnikkut nappaat atorlugu qanorinnersoq.

Atisanik errorsineq
Uninngatillutit immikkoortortaqarfimmi atisannik errorsisarnisannut tikilluaqqusaavutit.

Nakorsaatit
Nakorsaatinik tunniussisoqartarpoq:
• Nal. 8-9 –llu akornnanni
• Ullup qeqqasiornermi
• Unnukkorsiornermi
• Nal. 21-22 –llu akornanni
• Immikkullu pisarisariaqartitsinermi.

Tarnikkut nappaatilinnut sammisassaqartitsivik
Nakorsamit isumaqatigiissuteqarnikkut immikkoortami sammisassaqartitsivimmut innersuunneqarsinnaavutit.  Sammisassaqartitsinermi sulisut piareersimapput ilinnorpiaq naleqqutut nassaariniarneranni ikiussallutit piareersimapput. Tassani periarfissaqarputit ulluinnarni piginnaasat pisariaqartitat aallussinnaanerannut soorlu timigissartalerneq, inooqatigiinnermut ilanngutinneqarneq inunnillu allanik oqaloqateqarsinnaanermik sungiusarlutit
Sammisassaqartitsivimmi tallimanngornerit tamaasa café Puilasoqartarpoq Nuummi tarnikkut nappaatillit sullissivianni.
Café ingerlanneqartarpoq nal. 13-15.                                                                                                              Uninngasut uninnganikullu tamarmik tikilluaqqusaapput.

Inunnik isumaginninnermut siunnersorti
Isumaginninnermi siunnersortip paasissutissanik ingerlatitseqqiisinnaavoq illit najukkanni sullissisornut.
Apeqqutit Ilaquttanut, aningaasaqarnermut, suliffimmut ineqarnermullu tunngasunut apeqquteqaatigerusutatit eqqartorneqarsinnaapput.
Nuummi najugaqaruit nammineq isumaginninnermi siunnersortigisat oqaloqatigissavat.
Isumaginninnermut siunnersorti aamma illit kommuunerisanni sullississornik attaveqarnissamut ikiuussinnaavoq

Tarnip pissusaanik immikkut ilisimasalik
Nakorsarisaq akisussaasoq isumaqatigalugu, Tarnip Pissusaanik Immikkut Ilisimasalimmik oqaloqateqartarnissamik misissortinnissamilluunnit innersuusisoqarsinnaavoq

Oqalutsi
Oqaloqatiginninnermi oqalutsimik aggersaanissaq periarfissaqarpoq. Unnukkut unnuakkullu sapinngisamik kalaallisut oqaasilinnik. sulisoqartassooq

Maalaaruteqarsinnaaneq
Katsorsarneqarnerit maalaarutiginiarukku maalaaruteqarnissamut siunnersuutit quppersakkat immikkoortortaqarfimmi pineqarsinnaapput. A1-mi sulisut siunnersorlutillu aqqutissiuussinnaavaatit.

Nassatat nalillit
Aningaasanik nalilinnilluunniit annikitsunik skavimmut paarnaaqqasumut mikisumut ilisisoqarsinnaavoq.
Pigisat aningaasalluunniit tammaraluarpata taarserneqarsinnaanngillat, inimiikkaluarpataluuniit imaluunniit sulisunit skavimmi paarnaartartumi paarineqaraluarpata.
Atorniarneq nalilinnilluunniit tuniniaaneq, tassunga ilangullugu uninngasut akornanni cigarittinik atortitsineq tuniniaanerluuniit inerteqqutaavoq.
Atisanik assigisaannilluunniit paarlaassineq aamma akuerineqanngilaq. Takujuk illumi malittarisassat allagarsiivimmi.

Sutorniartarfik
Sutorniartarfeqarpoq, tassanilu pisariaqartinneqarsinnaapput pisiassat annikinnerit. Ilaqutaasut nerisassanik imeruersaatini-llu pisinissaminnik.periarfissaqarput

Pisiniarneq
Pisiniussisoqartarpoq marlunngornikkut aammalu tallimanngornikkut. Nammineerlutit pisiniarsinnaanngikkuit anisinnaanallu sulisut ikiorsinnaavaatsit. 

Atuakkanik atorniartarfik
Atuakkanik atortoqarsinnaavoq atuakkanik atorniartitsisartoq immikkoortortaqarfimmukaraangat.

Nuummi tarnikkut nappaatilinnik sullissivik / Ikaarsaarfik
Angerlartitaareernerup kingorna uninngasimasut ilaat Nuummiut, Nuummi tarnikkut napaatilinnik sullisivik / Ikaarsaarfimmut katsorsartinnertik ingerlateqqillugu attaveqartinneqalertarput. 
Nuummi tarnikkut nappaatilinnik sullissivik / Ikaarsaarfik:
Niisi 5-7, oqarasuaat 34 41 36 / 34 41 37

Uninnganikut sinerissameersut illoqarfimminni napparsimavimmi tarnikkut nappaatilinnik sullivimmi katsorsartinnerat ingerlateqqinneqarsinnaavoq.

Atuagaaraq uani aruaruk

Tarnikkut nappaatilinnut immikkoortortaqarfik uani atuaruk

 

PDF-iliariukEmbed

Allaaserisaq nittartakkannut iliguk (Embed)

"Tarnikkut nappaatilinnut immikkoortortaqarfik A1". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk