vælg et emne
... sammisaq toqqaruk

Pujortarunnaarneq

PAASISSUTISSAT

Pujortartarneq peqqissutsinnut akornutaanerpaasut ilagaat timinnillu navianartorsiortitsinerpaat ilagalugu. Pujortartarnerup kingunerisinnaavaa navianartorsiortitsisumik nappaateqalernerit, inuunerpit naleqassusaa appartoq, toqujaarpallaartutillu. Pujortarnerit tamaasa imaluunniit inimi pujortarfiusumiitillutit timit sunnerneqartarpoq. Paasissutissiiffik – Tupap pujuata timit ima sunnertarpaa. Pujortartakkavit ikilisinnerisigut immaqaluunniit pujortartarunnaavinnikkut pujortartarnerup ajoqusiisumik sunniutai annikillisissinnaavatit peertivillugilluunniit – kingusinaanngisaannarpoq, iluaqutissartaqartuaannarpoq! Paasissutissiiffik – Pujortartarunnaarnerup iluaqutissartai.


NEQEROORUT
Piffissaqartillutit piumagaangavillu pujortartarunnaarnissamut radiukkut pikkorissarneq!

 
Radiukkut pikkorissartitsinertigut tallimaasutigut pujortartarunnaarniarninnut pujortartarunnaarnissannullu paasissutissinneqarlutillu tapersersorneqassaatit. Assersuutigalugu pujortartarnermi ileqqut, nikotinip nikotinimullu taarsiuttakkat sunniutaat pujortartarunnaarnerullu kingorna oqimaallinaveersaarnissaq paasisaqarfigisinnaavatit.


Pujortartarunnaarnissannut pikkorissarnissat
KNR Radio aqqutigalugu pikkorissarnissat aallartiguk:

Radiukkut pikkorissarneq 1 (25 MB)
Imarisai: Pikkorissarnissap nassuiarneqarnera taamaatinnissallu ullua

Radiukkut pikkorissarneq 2 (24 MB)
Imarisai: Pujortartarunnaarneq nikotinimullu taarsiuttakkat

Radiukkut pikkorissarneq 3 (23 MB)
Imarisai: Pujortartarunnaarneq oqimaassuserlu

Radiukkut pikkorissarneq 4 (24 MB)
Imarisai: Pujortartarunnaarnerup attatiinnarnissaa

Radiukkut pikkorissarneq 5 (24 MB)
Imarisai: Pujortartarunnaanerup ingerlatiinnarnissaa naggasiinerlu


Oqallinneq

Aammattaaq kalaallisut oqallinnissamut aallakaatitassiat 15-it suliarineqarsimapput pujortartarnerup kingunerisartagai pillugit paasissutissiinermik imaqartut. Aallakaatitassiat tunaartassaattut eqarsaatapput inersimasut inuusuttullu.

Aallakaatitaq 1 (27,0 MB)
Aallakaatitaq 2 (11,7 MB)
Aallakaatitaq 3 (12,2 MB)
Aallakaatitaq 4 (12,8 MB)
Aallakaatitaq 5 (12,8 MB)
Aallakaatitaq 6 (12,3 MB)
Aallakaatitaq 7 (26 MB)
Aallakaatitaq 8 (24 MB)
Aallakaatitaq 9 (24 MB)
Aallakaatitaq 10 (24 MB)
Aallakaatitaq 11 (25 MB)
Aallakaatitaq 12 (23 MB)
Aallakaatitaq 13 (25 MB)
Aallakaatitaq 14 (24 MB)
Aallakaatitaq 15 (22 MB)
Oqalliffik (33,2 MB)


Atortussat allat pujortartarunnaarninnut ikiuutaasinnaasut

Pujortarunnaarnissat pilersaarusioruk

Pujortarunnaarnissamut najoqqutassaq

Pujortarunnaareerninni puallarnaveesaarit


NAMMINEQ QANOQ ILIUUSEQARSINNAAVUNGA

Tupap pujuata ulorianartortai annikillisinniarlugit pinngitsuuinniarlugilluunniit pujortartakkavit ikilisinnissaat unitsitsivinnissalluunniit misilittuartarsinnaavat. Aammalumi misilittakkat takutippaat misiliinerit tamaasa pujortarunnaarnissamut pikkorissiartuinnartussaasutit.


Tunngaviusumik malittarisassat arfinillit

Pujortartarunnaarusukkuit pujortartarunnaarniarninni malissinnaasatit aamakku:
1. Unitsitsivinnissaq sap.ak. 2-3 sioqqullugit aalajangersimasumik ulluleruk.
2. Pujortarunnaarnissamut litsersuut atuarlugu piareersarluarit imaluunniit saqqummersitat qupperneranni inniminneeruk
3. Pujortartarunnaarnissat sapaatip akunnerini tulliuttuni pingaarnerpaatut pilersaarutinngortiguk.
4. Qaniginerpaasannit tapersersorneqarnissat isumassarsitinneqartarnissallu kissaatigikkit.
5. Pujortartarunnaarsimaninnut akissarsitittarit – ullut tamaasa.
6. Eqqaamajuk: Ataasiinnannguarluunniit misilikkaanni aallarteqqittoqartarpoq.


Isumassarsiatsialaat

- Pujortartarunnaaruit ulloq taanna tupaatitit tamaasa igikkit.
- Aalajangersimanerit pillugu ullut tamaasa imminut nerualaartarit.
- Aningaasat pujortartannginnikkut sipaakkatit takusinnaasannut inissikkit.
- Eqqissiveerukkaangavit pisuttuartarit.
- Unnukkut nerisassatit peqqissaarnerullutit piareersartakkit. Suut tamarmik maanna mamassuseqarnerulerput.
- Nerereerniariarlutit nerrivik qimattaruk.
- Pujortarusuleraangavit kigutitit salittakkit.
- Kaffisortillutit tiitortillutilluunniit pujortartarsimaguit taarsiullugu allanik imigaqartarlutit misiliguk.
- Pujortarusuleraangavit anernerissaatitorit, paarnatorit allamilluunniit orsoqanngitsumik nerigit – taava oqimaalliartussanngilatit. Sukkulaatit chipsillu nerisaqinagit.
- Sapaatip akunnerisa pingasut qaangiunneranni qangalili kissaatigisimasannik annertuumik imminut akilerit.


QANIGISAT

Pujortartartumut qanigisaaguit pujortartarunnaarniarnerani tapersersornissaa pingaaruteqarpoq. Matuma ataani pitsaanerpaamik qanoq iliornissannut isumassarsiat atuarsinnaavatit.
Qanigisatut maluginiagassavit pingaarnersaraat:
• Tunniusimasuunissat
• Paasinnilluartuunissat
• Suleqatiginnikkusussuseqarnissat
• Naleqqussarsinnaanissat
Pujortanngisaannarsimaguit paasiuminaassinnaavoq pujortartartup pujortartarnini qanoq inissisimaffigineraa tupatunnginnissarlu qanoq ajornakusoortigisinnaanersoq.

Nikotinimik pinngitsuuisinnaannginneq pissutaalluni pujortartartumut pujortartarunnaarnissaq ajornakusoortorujorujussuuvoq. Pujortartartullu taamaatinnissani aalajangiussimagaluaruniulluunniit kajumissuseqarlunilu, piffissat takkuttarput pinngitsuuisinnaannginnermik eqqarsaatit peersinneqarsinnaajunnaarfigisaat, aalajangersimaninilu nalornissutigilersarpaa. Taamaattumik pingaaruteqarpoq illit qanigisatut pujortartarunnaarnissaminik piviusunngortitsinissaa, aamma ilaatigut ajornakusoorluinnarsinnaagaluartoq, tatigalugu ersersittassagakku.
Pingaarnerpaajuvoq pujortartarunnaarnissaq pujortartartup nammineq isumassarsiarippagu. Illit akisussaaffigaatit pisup ingerlanera tamaat tapersersuinissaq ikiuunnissarlu – aamma pujortartarani qaammatit arlallit anigoreeraluarpagilluunniit. Tamanna isumaqarpoq aalajangersimanerani tapersersussagit piffissallu ingerlanerani assut nersualaartarlugulu qiimmassartassagit.

Tamassi pujortartarussi ataatsikkut pujortarunnaarnissarsi pitsaalluinnarpoq, taamaatinniarnissinni immissinnut tapersersoqatigiillusilu ikioqatigiinniassagassi.


SAAFFIGINNINNISSAMUT PAASISSUTISSAT

Najukkanni pujortartarneq pujortarunnaarsitsiniarnermilu neqeroorutit pillugit apeqqutissaqaruit – pinaveersaartitsinermi siunnersortersi saaffigiuk.


ATORTUSSANIK ALLANIK PAASINIAAFFISSAT

"Tupatorunnaarnissaq anguniarlugu 2012- miit 2013-mut iliuuserisassatut siunniussat", Peqqissutsimut Naalakkersuisoqarfik, 2012

Pujortartarnermik inerteqquteqarneq pillugu inatsit 

Tupa avatangiisillu pujortarfiunngitsut, tupanillu nioqqutissiat nalunaaqutsersorneqartarnerat pillugit inatsit 


Pujortartarneq pujortartarunnaarnerlu pillugit nittartakkat:

www.liv.dk

www.xhale.dk

Kræftens Bekæmpelse

Sundhedsstyrelsen

X:it

Stoplinien

Kvit.dk

 


PDF-iliariukEmbed

Allaaserisaq nittartakkannut iliguk (Embed)

"Pujortarunnaarneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk