vælg et emne
... sammisaq toqqaruk

Timip aalatittarnera

PAASISSUTISSAT
Nerisaqarnermut Timigissarnermullu Siunnersuisoqatigiit innersuussutigaat meeqqat inersimasullu ullormut sivikinnerpaamik nalunaaquttap akunnerani ataatsimi timiminnik aalatitsisarnissaat.
Timit aalatittarukku oqimaappallaalernissat nappaatillu inooriaatsimik pissuteqartut arlalippassuit, soorlu sukkortunngornissaq pitsaaliorneqarsinnaapput.
Timip aalatittarneratigut aamma stressilersinnaaneq annikinnerussaaq tarnikkullu ilorrisimaarnerullutit.
Tamakkua saniatigut nuannersunik inuttullu ataatsimooqatigiinnernik misigisaqartitsisinnaavoq.
Timit aalatittarukku inuunerit sivitsorsinnaavat.
Aamma timip aalasinnaanera pitsaanerulersinneqassaaq, tamannalu peqqissuulluni utoqqalinissamut aallaaviuvoq pitsaasoq.
Pingaaruteqarpoq sulininni sunngiffinnilu aalasarnissat.


NEQEROORUT
Inuunerissarfinnit timip aalatittarnissaa pingaartinneqarpoq, allornernillu kisitsissutit atorneqartarput timip qanoq aalatittartigineranut uuttuutitut aamma timip aalatittarnissaanut kaammattuutitut.


NAMMINEQ QANOQ ILIUUSEQARSINNAAVUNGA
Ulluinnarni timip aalatittarnissaanut periusissat arlaqarput. Timersoriarninni timigissariarninnilu pisuttarsinnaavutit, aammali ulluinnarni timit aalatittarsinnaavat imaaliorlutit:
• Tummeqqatigoortarlutit
• Pisullutit sikkilerlutilluunniit suliartortarlutit atuariartortarlutilluunniit
• Pinngortitarsuaq alianaaqisoq avatangiiserisarput angalaarfigisaruk 

  • pisuttuarfigalugu arpaffigaluguluunniit
  • piniariarfigalugu aalisariarfigalugulu
  • sisorariarfigalugu
  • silami pinnguarfigalugu allarpassuarnullu…

  • QANIGISAT
    Angajoqqaatut akisussaaffigaat meeqqavit peqqinnartunik ileqqoqalernissaa. Meeqqannut maligassiuisuussaatit, taamaattumik illit nammineq timinnik aalatitsisaruit oqinnerussaaq. Meeqqat angajoqqaamissut pissuseqakkajuttarput. Angajoqqaatut meeqqatit ilagalugit susinnaanisi amerlaqaat. Meeqqatit pisuttuaqatigisinnaavatit, sisoraqatigisinnaavatit, kælkeqatigisinnaavatit, pinnguaqatigisinnaavatit ilaalu ilanngullugit, taamaalillusi ilaqutariinni tamarmiullusi timissinnik aalatitsissaasi.


    SAAFFIGINNINNISSAMUT PAASISSUTISSAT
    Peqqinnissaqarfimmi attavissat


    ATORTUSSANIK ALLANIK PAASINIAAFFISSAT
    Inuuneritta II

    Timivit aalatittarnissaanut najukkanni periarfissat. Kommunini tamani peqatigiiffiit, klubbit eqimattakkuutaallu saaffiginissaannut paasissutissaqarpoq.

    http://www.amisut.gl/find-aktivitet.aspx

    PDF-iliariukEmbed

    Allaaserisaq nittartakkannut iliguk (Embed)

    "Timip aalatittarnera". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

    Luk

    Nassiuguk ikinngutinnut

    Uunga e-mail

    Atit

    Nassiussaq

    Luk

    Kalerriut

    Allataq

    Email

    Luk

    Allaaserisaq pisartagarileruk

    E-mailit

    Luk