vælg et emne
... sammisaq toqqaruk

Imigassaq - meeqqat inuusuttullu

PAASISSUTISSAT
Imigassaq ikiaroornartullu pillugit siunnersuisooqatigiit innersuussutigaat meeqqat inuusuttullu 18-it inorlugit ukiullit imigassartunngilluinnassasut.
Inuusuttut 18-it inorlugit ukiullit imigassamik pisinissaat pisitinnissaallu inerteqqutaavoq. Taamaakkaluartoq inuusuttut 18-it inorlugit ukiullit amerlaqaat imigassamik misileraasartut.

Imigassamik mianersuussinissaq pissutissaqaqaaq.
Imigassap naliliisinnaanerit annikillisittarpaa, imaassinnaavorlu aalakoortillutit iliuuseqartutit kingornatigut peqqissimissutigisassannik. Assersuutigalugu atoqateqarnissannut naaggaaruminaatsitsisinnaavutit, imigassartortillutillu ajutoorsinnaavutit imaluunniit imminut ajoquserlutit allalluunniit ajoquserlugit. Imigassartorpallaarnerup ungasinnerusoq eqqarsaatigalugu timit ajoqusersinnaavaa.
Pinermi ataatsimi imerujussuarneq navianarnerpaavoq. Imerujussuarneq tassaavoq unnuup ataatsip ingerlanerani sisamat sinnerlugit imerneq.  


NEQEROORUT
Aqussinnaanngisannik imigassartortaruit peqqinnissaqarfimmit imaluunniit kommunerisanni isumaginnittoqarfimmit ikiorserneqarsinnaavutit.

MIO
www.mio.gl

1899 – SMS-ikkut siunnersorneqarneq
Nuna tamakkerlugu Meeqqanut Inuusuttunullu SMS-ikkut attavissaq akeqanngitsoq – inersimasumik siunnersuisinnaasumik allaqateqarit.
Ammasarfii: ataasinngornermiit tallimanngornermut nal. 16-18


NAMMINEQ QANOQ ILIUUSEQARSINNAAVUNGA
Inuusuttut amerlaqisut 18-iliitigatik imigassartortalertarput, tamarmiunngitsulli. Immaqa isumaqarnarsinnaagaluartoq ”allat tamarmik imertartut”, imaanngilaq taamaattoq.
Immaqa misigisimavutit festertoqartillugu akuerisaaniaruit imertariaqarlutit. Ilumoortorli unaavoq isumaqartoqaqqullugu arlalippassuit annertuusorinartumik imertuusaartartut.

Imeqqusineq qanoq iliorlunga pakkersimaassavara?

  • Siullertut pingaarnertullu eqqarsaatigissavat naaggaartoqarsinnaanera ajunngilluinnartuusoq-
  • Ikinngutinnik ataatsimik arlalinnilluunniit aamma imerusunngitsunik ilalersorit. Arlaliugaanni naaggaarnissaq ajornannginnerusarpoq.
  • Nammineq imigassatit nassartakkit – sodavandi juiceluunniit – taava imigassamik neqeroorfigineqarsinnaanerit annikinnerussaaq.
  • Festip nalaani uninngaannaqinak. Qitigit imaluunniit angalaarujoorit oqaloqateqaqattaarlutillu.
  • Angajoqqaatit utoqqatsissutitut atukkit – oqarit aaneqartussaallutit imaluunniit isernissat utaqqisussaagaat sukannersuusullu.
  • Sooq iminnginnersutit aperineqarnissannut akillutit apeqqutissatit piareersakkit – ”Illit sooq imerpit?” imaluunniit ”Imigassartoraangama iliuuserisartakkakka nuannarinnginnakkit pitsaanerutippara iminngikkuma”.
  • Imeruit aalakuulerlutillu kisimiillutit angerlassanngilatit, ikinngutitilli angerlarninni ingiaqatigissavatit. Immissinnut paaralusi ikioqatigiillusilu.
  • Isumaqaruit imigassartortarnerit aqussinnaajunnaarlugu, pingaaruteqarpoq arlaannut oqaluttuarinissaa. Inersimasumik toqqissisimanarititannik oqaloqateqarneq pitsaasuuvoq, tassaasinnaavoq ilinniartitsisoq, perorsaasoq, angajoqqaatit, meeqqerisoq, nakorsaq imaluunniit isumaginninnermi sullissisoq, taakku ikiorneqarnissanni tapersersorsinnaavaatsit.

 


QANIGISAT:
Inuusuttut imigassap ajoqusiisinnaaneranut mianernartuupput. Ilikkagaqarsinnaassuseq, timikkut peqqissuuneq, inuttullu piginnaasat sanngiillisittarpai, inuusuttullu imigassamik pinngitsuuisinnaajunnaarnissamut qaninnerusarput. Inuusuttut aalakoortut ajutoorajunnerusarput, assortuutilerajunnerusarput, atuanngitsoorajunnerusarput piumassuserinngisaminnillu atoqateqarnissamut qaninnerusarput.
Meeraq inuusuttuaranngoraangat angajoqqaanut unamminartuukkajuttarpoq. Tamannali meeqqannut aamma unamminartuuvoq. Angajoqqaatut kissaatigineqartarpoq meeqqap nuannersunik misigisaqarnissaa ikinngutiminillu ilaqartarnissaa, aammali imigassap aanngajaarniutillu allat ajortumik kingunerisartagaannut illersorusullugu.
Angajoqqaarpassuit isumaqartarput meeqqamik piumasaminik iliornissaanut akuersineq asanninnermik isumassuinermillu ersersitsisuusoq. Imigassarli pineqartillugu meeqqap siunnersorluarneqarnissani pisariaqartippaa.

Naaggaarnissaanut tapersersuigit
Meeqqavit imigassamut NAAGGAARNISSAANUT tapersersorniarlugu qanoq iliuuseqarsinnaavit:

• Meeqqanut inuusuttunullu 18-it inorlugit ukiulinnut imigassanik sassaallinngisaannarit
• Meeqqavit imigassartortannginnissaa naatsorsuutigalugu ersersittaruk
• Meeqqavit imigassartunnginnissaanik isumaqatigiissuteqarfigiuk
• Meeqqatit ilagitillugit annikitsuinnarmik imertarit
• Illit allallu aalakoornissinnik meeqqatit misigitinngisaannakkit
• Angerlarsimaffissinni imigassat saqqumisumiitittarnagit
• Meeqqat inuusuttullu imigassamik tuninngisaannakkit pitsinnagilluunniit
• Imigassaq pillugu meeqqat oqaloqatigiuk
Ikinngutit imigassartaqanngitsumik peqatigalugit qanoq ililluni nuannisartoqarsinnaaneranik meeqqat oqaloqatigiuk. Nuannarisanik ikinngutitaarsinnaanermut peerartaarsinnaanermulluunnit imigassap akornutaasinnaanera pillugu meeqqat oqaloqatigiuk. Meeqqat inuusuttullu ilisimagajunngilaat:
• Inuttut ajortisaarinerit meeqqat inuusuttullu akornanni pigajuttartut maluginiarnissaannut imigassaq tappiillisitsisartoq
• Peqqissimissutigisassanik oqalunnissamut iliuuseqarnissamulluunniit imigassaq annertusaasartoq
• Allat nukissaqarfiginissaannut qanilaarfiginissaannullu imigassaq akornutaasartoq
• Nuannaartilluni, nipilersuummik tusarnaartilluni qititsillunilu endorfinit ”qiimmatsannartut” qaratsap nammineq pilersittarai. Tamanna imigassartornermi nuannaatsannermut assersuunneqarsinnaavoq, taamaattorli imigassap ajortumik sunniutai ilanngunnagit.
Meeqqat piareersaruk imernerup nuannernerpaajullunilu eqqortuunerpaajuneranik isumaqartunik naapitsinissaanut. Inuusuttunut pingaartorujussuuvoq inuusuttoqatitut ittuunissaq. Imeqqusisoqartaqaaq, naaggaarnissamulli piareersarsimanngikkaanni imeqqusisut nakkaannarfigeriaannaapput. Allat imerpata meeqqavit naaggaarnissani ajornakusoortissavaa. Taamaattumik imeqqusisut naaggaarnissaannut meeqqavit qanoq isumaqarneranik oqaloqatigiuk.
Meeqqat killilersoruk
• Festernerit imigassarlu pillugit ataatsimut malittarisassaqarnissaq pillugu angajoqqaat allat suleqatiginerisigut. Isummat assigiippata inuusuttunut akuerissallugu ajornannginnerusarpoq
• Pisariaqarfiatigut oqaloqatigiissinnaanissinnik, qanilaassusermik tuninissaanut ikiornissaanullu piareersimaninnik neqeroorfigalugu
• Meeqqavit qaqugu qanorlu ililluni angerlarniissaanik allallu pillugit isumaqatigiissuteqarfigineratigut. Isumaqatigiissutit malittarisassanit nakkutilliinermillu pitsaanerusumik sunniuteqartarput.


Inatsisit
18-it inorlugit ukioqaraanni niuertarfinni imigassarsisinnaaneq inerteqqutaavoq. Niuertarfiit aamma angajoqqaat akisussaaffigaat inatsisit unioqqutinneqannginnissaat.


SAAFFIGINNIFFISSAT
Atuarfimmi: Klassimi ilinniartitsisoq
Meeqqerisoq

PAASINIAAFFISSAT
http://sundhedsstyrelsen.dk/da/sundhed/alkohol/boernefamilier/for-boern-og-unge
www.hope.gl
www.hope.dk

 


PDF-iliariukEmbed

Allaaserisaq nittartakkannut iliguk (Embed)

"Imigassaq - meeqqat inuusuttullu". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk