vælg et emne
... sammisaq toqqaruk

Aanngajaarniutinik atornerluinermut katsorsartinneq

Paasissutissat
Atornerluinermut katsorsaasarnerup misissuinera januar 2016 aallaqqaataani allanngorpoq, tassani nuna tamakkerlugu atornerluinermut katsorsaasarnerup pilersaarutaa atuutilermat.

Pilersaarummi innuttaasut aanngajaarniutinik ajornartorsiuteqartut ikiorsernerqarnissaannut tunngasutigut kommunit, peqqinnissaqarfiup katsorsaasullu akornanni suleqatigiinnerup nukittorsarneqarnissaa kajumissaarutaavoq. 

Neqeroorutit
Ukiut pingasut tulliuttut ingerlanerini kommunini tamani katsorsaavinnik Allorfinnik pilersitsisoqassaaq. Qaqortumi, Nuummi Sisimiunilu katsorsaaveqarpoq. illoqarfinni najukkani amerlasuuni Nuummilu Katsorsaavik suleqatigalugu aamma katsorsaasoqartarpoq kiisalu aningaasanoornermut tunngatillugu Odense-mi aningaasanoorajunnermut qitiusumik katsorsaavimmi katsorsartinnissamut neqerooruteqarluni.



Nammineq qanoq iliuuseqarsinnaavunga?
Katsorsartinniaruit:
•    kommunimi sullissisunnut saaffiginnissaatit. 
•    Kommunimi sullissisut innersuussinermi immersugassamik immersuissaaq taannalu Allorfimmut/Atornerluineq pillugu Paasisimasaqarfimmut nassiullugu.
•    Allorfimmit neqeroorummut ilinnut naleqquttumut innersuunneqassaatit.
•     Katsorsartinnissamut pilersaarummik -kommunip, katsorsaasut pisariaqarpallu peqqinnissaqarfiup suleqatigiissuteqarsinnaanissaannut akuersissummik- kommunimi sullissisuit atsioqqussavaatit.
•    Inuunermut aanngajaarniutinik atuiffiunngitsumut  ikaarsaarneq oqinneroqqullugu kommunimi sullissisup illit suleqatigalutit katsorsartereerninni qanoq ikiorserneqarnissat pillugu pilersaarusiussaaq.

 

Sullissisunut
2016-imi januaarip aallaqqaataaniit innuttaasunik aanngajaarniutinik aningaasanoornermillu ajornartorsiutilinnik -kommunimut akeqanngitsumik- katsorsartittoqarsinnaanngorpoq. 

Piumasaqaataavoq: 
1. Sullitap katsorsartereernermini aanngajaarniutinik atuisuunnginnermik attassiinnarnissaanut inuttut pisariaqartinneqarsinnaasut tamatumunnga akornutaasut iliuuseqarfiginissaasa kommunimit piumassuseqarfigineqarnissaat. Katsorsartinnerup ilaatut tamanna qulaajaavigineqassaaq.

2. Katsorsartereernerup kingorna inuuneq aatsaat nalorninarsippat kommunip tigussaasumik pilersaaruteqarnissaa. 
Pilersaarut taanna tunngaviusumik katsorsartinnissaq aallartitsinnagu piareersimassaaq.

3. Innersuussinermi immersugassamik immersuisimanissaq.

4. Kommunip Allorfiullu/Atornerluineq pillugu Paasisimasaqarfiup akornanni suleqatigiinnissamut isumaqatigiissummik atsiornissaq. Katsorsartereernerup kingorna ilaatigut inuttut atukkatigut peqqissutsimulluunniit tunngatillugu pisussanik suleqatigiissuteqarnissaq isumaqatigiissusiornikkut qulakkeerneqassaaq.

Sullissisutut: 
•    Sullitaq peqatigalugu innersuussinermut atatillugu immersugassat immersorneqassapput katsorsartereernerullu kingorna pilersaarusiortoqassalluni.  Nittartagaq www.allorfik.gl takuuk. Kommuninni isissutissaq atorlugu innersuussisinnaassaatit.
•    Allorfiup innuttaasoq innersuutissavaa katsorsaavillu attavigalugu.

 

Saaffiginniffissat

Nalornissuteqaruit Allorfimmut/Atornerluineq pillugu Paasisimasaqarfimmut attaveqarsinnaavutit:

E-mail: allorfik@allorfik.gl

Oqarasuaatikkut: 525343

Attavigigutsigut illit nammineq attavigineqarnissannut paasissutissat ilanngunnissaat eqqaamassavat.








PDF-iliariukEmbed

Allaaserisaq nittartakkannut iliguk (Embed)

"Aanngajaarniutinik atornerluinermut katsorsartinneq". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk