vælg et emne
... sammisaq toqqaruk

Hash - naartunermi

PAASISSUTISSAT
Naartuguit milutsitsiguilluunniit sakkortunerpaamik inassutigineqassaaq hashimik pujortartannginnissat. Hashitortaruit aak immullu aqqutigalugit meeraq hashimit sunnerneqassaaq. Naartup ineriartorneranut, naartunermut erninermullu, meeqqallu peroriartorneranut haship sunniutigisartagaanik ilisimasat annikitsuararsuupput, misissuinerilli arlallit takutippaat hashimik atuinerpit meeqqat naartuunerani milunneranilu sunnertaraa.

Haship meeqqat timikkut tarnikkullu sunnertarpaa. Naartunerpit nalaani hashitortaruit meeqqat inunngornermini nalinginnaasumit oqinnerusinnaavoq, timaa naannerulluni, iloqiaassuteqarluni (uummammigut ajoquteqarluni), kingunerlutsitsinermillu ersiuteqarluni.
Meeraanerani kingusinnerusukkut sianiutitigut ajoqusersimanerit takuneqarsinnaasarput: pissusilersornermi ajornartorsiuteqarneq, silassorissuunnginneruneq, piginnaassuseqarluarfinni ajornartorsiutinik aaqqiissuteqarniarnermi ajornartorsiutit, eqqaamannissinnaannginneruneq aallussilluarsinnaannginnerlu, ersarissumik uniffeqanngitsuuneq, tassanngaannaq iliuuseqariataartarneq alapernaatsuunnginnerunerlu.
Hashimik pujortartaruit aamma imaassinnaavoq isumassuinerluttuunerusutit. Piviusorsiorsinnaanerit innarlerneqarsinnaavoq, taamaalillutit ajornartorsiorfinnik aniguiniarsinnaanerit ajornartorsiutigilersinnaallugu. Aalallutit annikitsunnguanik iliuuseqarsinnaanitit ajornartorsiutigilersinnaavatit, ikiarooreernerullu kingorna itisuumik sininnissat pisariaqartissinnaavat – taamaalillutillu meeqqavit pisariaqartitsinera qisuariarfiginngitsoorsinnaallugu.
Meeqqat haship pujuaneertinneqartaruni torluup puannut atassutaasigut nuaqalersinnaanera (bronkitis) aammalu puammigut aseruuttoorsinnaanera meeqqanut allanut naleqqiullugu annertunerussapput.


NEQEROORUT
Haship unitsinnissaa ajornartorsiutigigukku pingaaruteqarpoq nakorsannut juumuunnulluunniit piaarnerpaamik saaffiginninnissat, taakku ”Siusissukkut iliuuseqarnermut” peqataanissannut innersuussinnaammatsit.
”Siusissukkut iliuuseqarneq” aqqutigalugu ilinnut ilaquttannullu atornerluisuunermut katsorsartinnissamut neqeroorfigineqarsinnaavusi.


NAMMINEQ QANOQ ILIUUSEQARSINNAAVUNGA
Naartusut ilaannut hashitortarnerup unitsinnissaa ajornakusoorsinnaavoq. ”Siusissukkut iliuuseqarneq” aqqutigalugu ilinnut ilaquttannullu atornerluisuunermut katsorsartinnissaq neqeroorutigineqarsinnaavoq, ajornakusoortikkukku hashimik pujortartarnerpit unitsinnissaanut ikiorneqarsinnaallutit.


QANIGISAT
Ilaqutariinnut naartusortalinnut qanigisaasutut tapersersuinissaq pingaaruteqarpoq, naartunerullu milutsitsinerullu nalaanni hashitunnginnissamik kissaataat ataqqillugu. Naartusoq hashimik pujortartartoq misigigussiuk aperisinnaavasi nalunnginneraat naartumut tamanna qanoq kinguneqarsinnaanersoq, kajumissaarlugillu juumuumik imaluunniit peqqinnissaqarfimmi sulisunik allanik hashi pillugu oqaloqatiginneqqullugit.


SAAFFIGINNINNISSAMUT PAASISSUTISSAT
• Nunap immikkoortuani napparsimmavik, Peqqissaavik imaluunniit nunaqarfimmi napparsimmaveeraq
• Juumooq/Meeqqerisoq/imaluunniit peqqinnissaqarfimmi sulisut allat
• Siusissukkut iliuuseqarneq:
”Siusissukkut iliuuseqarneq”-mi ataqatigiissaarisoq: oqarasuaat: (+299) 34 42 66 – E-mail: tidligindsats@peqqik.gl 


TV-kkut paasititsiniaaneq
Hashimik atornerluineq pillugu TV-kkut paasititsiniaaneq


Nittartakkat:
https://www.sundhed.dk/borger/sygdomme-a-aa/graviditet/sygdomme/amning-og-rusmidler/amning-og-marijuana-cannabis/

http://www.ft.dk/samling/20121/almdel/suu/bilag/209/1225885/index.htm

http://www.hvidovrehospital.dk/menu/Afdelinger/Gynaekologisk-+Obstetrisk+Afdeling/Familieambulatoriet/Til+gravide+med+brug+af+rusmidler/Rusmidlers+indvirken+paa+graviditet+og+barn/Narkotika.htm?siu=true

http://www.drugabuse.gov/sites/default/files/rrmarijuana.pdf

http://ki.se/content/1/c6/16/20/36/Skador_av_hasch_och_marijuana.pdf

PDF-iliariukEmbed

Allaaserisaq nittartakkannut iliguk (Embed)

"Hash - naartunermi". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk