vælg et emne
... sammisaq toqqaruk

Imigassaq - anaana ataatalu imerajuttuuppata

PAASISSUTISSAT

Kisimiinngilatit!

Kalaallit Nunaanni meeqqat inuusuttullu pingasuugaangata ataatsip ilaquttamini qaninnerpaani imigassamik atornerluineq misigisarsimavaat.

Taakkununnga ilaaguit tassa kisimiinngilatit.

Taamaakkaluartoq meerarpassuit inuusuttorpassuillu kisimiillutik atortarpaat, qanoq atugaqarnermik allanit ilisimaneqarnissaa nuannarinnginnamikku.
Ilutigisaanik paatsiveerusimaarsinnaavutit imigassamik ajornartorsiutilik immaqa kamaallugulu ernumassutigigakku.

Immaqa misiginikuuat:
• kiserliorneq
• akerliliiuminaanneq 
• imminut mattuteqqajaaneq 
• ajuusaarneq kamannerluunniit imaluunniit piginnaaneqanngitsutut misigisimaneq  
• ikinngutinik angerlaassinissaq kanngugalugu 
• ilukkut qanoq sanngiitsiginerit toqqorterniarlugu qallikkut nukittusuusaarneq 
• angerlarsimaffissinni pissutsit ajunngitsumik ingerlatinniarlugit akisussaaffimmik annertuumik tigusineq

Ataatat anaanalluunniit imigassamik ajornartorsiuteqarpat ikiorneqarsinnaavutit.
Kisivit pigigukku ilinnut pitsaasuunngilaq.
Ajornartorsiutit oqaloqatigiissutiginissaannut ikiorneqartariaqarsinnaavutit.


NEQEROORUT
Inersimasumut meeqqanik angerlarsimaffimminni ajornartorsiuteqartunik oqaloqateqarnermik sungiussisimasumut eqqarsaatitit oqaluttuarisinnaavatit.
Immaqa taamaalillutit qanoq iliorsinnaaninnik isumassarsisinnaavutit:

MIO
www.mio.gl

1899
1899 – SMS-ikkut siunnersorneqarneq
Nuna tamakkerlugu Meeqqanut Inuusuttunullu SMS-ikkut attavissaq akeqanngitsoq – inersimasumik siunnersuisinnaasumik allaqateqarit.
Ammasarfii: ataasinngornermiit tallimanngornermut nalunaaqutaq 16-18


NAMMINEQ QANOQ ILIUUSEQARSINNAAVUNGA
Arlaannik oqaloqateqarit.
Ilinniartitsisumik, perorsaasumik, meeqqerisumik imaluunniit inersimasumik allamik toqqissisimaffigisannik oqaloqateqarnissaq isumassarsiaavoq pitsaasoq.
Misigissutsit paatsiveerusimaarnartut oqaasertalersornissaannut, ulluinnarnilu inuuninni ikiorsinnaavaatsit.
Aamma taakku paasiniarsinnaavaat angajoqqaatit kikkunnit ikiorneqarsinnaanersut.


QANIGISAT
Illit qanigisaasutut ilaqutariinnut angajoqqaat aappaa marluullutilluuniit imerpallaartunut nukissaqartitsisutut pingaarutilerujussuartut inissisimavutit.
Meeqqap ulluinnarni inuunerani qanoq ittoqarnissaa eqqoriaruminaattarpat artornartuullunilu, inersimasumik aalajaatsumik aamma illersuinanilu akerliunngitsumik pisariaqartitsisoqarpoq.
Inersimasoq meeqqap pissutsini misigisaanik meeqqallu qanoq ajornartorsiuteqarnermini eqqarsaataanik oqaasertalersuisinnaasoq. Inersimasoq meeqqap ajornartorsiutaanik imaqarsinnaasoq. Taamaalilluni meeqqap ilaqutariinni annikilliuutini ammasumik toqqaannartumillu oqaluuserisinnaavai – ilutigisaanillu qanigisaasup meeqqap ajornartorsiutai angajoqqaavinut ingerlateqqissinnaavai iliuuseqarfigineqarsinnaaniassammata, imigassamik ajornartorsiutit ilanngullugit.
Aamma assersuutigalugu piffissami imerfiup nalaani angajoqqaat meeqqamik paaqqutarinissaa isumagisinnaanngippassuk tulaaviusinnaasut ilaattut inissisimasinnaavutit. Taamaalilluni meeqqap ajoquserneri killilersimaartinneqarsinnaapput, piffissarlu ungasinnerusoq eqqarsaatigalugu imigassamik ajornartorsiuteqarnerup aalaakkaanerusumik aaqqiissuteqarfigineqarnissaanut eqqissisimasumik piffissaqarfiulerluni. Meeqqamut nalinginnaasumik isumassuineq eqqummaariffiginninnerlu, assersuutigalugu aallaaqatiginninneq filmeriaqatigiinnerlu meeqqamut aamma iluaqutaassaqaat. Pingaarnerpaavoq meeqqap ajornartorsiornermini kisimiittutut misigisimannginnissaa.
Ilaqutariit ernumassutigisatit qanoq iliorlutit pitsaanerpaamik ikiussallugit nalornissutigigukku kommunimi isumaginninnermut allaffimmut saaffiginnissinnaavutit ikiorneqaqqullutit siunnersorneqaqqullutillu.


SAAFFIGISASSAT
Atuarfimmi: Atuarfiup pisortaa imaluunniit klassimi ilinniartitsisoq
Peqqinnissaqarfimmi: Meeqqerisoq
Kommunimi: Isumaginninnermi sullissisoq


ATORTUSSANIK ALLANIK PAASINIAAFFISSAT
www.mio.gl

http://sundhedsstyrelsen.dk/publ/Publ2009/CFF/Alkohol/Tal_med_en_voksen.pdf

”Uillutit – eqqartoruk.Ilaqutariit imigassamik ajornartorsiutillit meerartaannik tullertut ikiuineq”,  Blå Kors Danmark, 2014

 


PDF-iliariukEmbed

Allaaserisaq nittartakkannut iliguk (Embed)

"Imigassaq - anaana ataatalu imerajuttuuppata". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk