vælg et emne
... sammisaq toqqaruk

Imigassaq naartunerlu

PAASISSUTISSAT
Naartuneq amerlanerpaanut pisuuvoq pingaarutilerujussuaq. Peqqinnartumik inuuneqarnissamut pissutissaqqissuuvoq, meerassat illissanni alliartorlunilu ineriartorniassammat.
Naartuninni meerassat ilinnut pissusissamisoortumik atavoq. Nerisatit imikkatillu tamaasa meeqqap ilangertarpai – aamma imigassaq. Imigassaq arrortitsisartuuvoq meerassavillu ineriartorneranut sunniuteqarsinnaalluni. Imertarneq annertunerutillugu meerassavit annertuumik ajoqusersinnaanera annertusiartortarpoq.


Imigassaq ikiaroornartullu pillugit siunnersuisooqatigiit innersuussutaat
Naartulinnginninni, naartuninni milutsitsininnilu imigassartornaveersaarit.
Imigassaq naartunerpit nalaa tamaat – aamma naartunerpit suli paasinnginnerani – naartunnik ajoqusiisinnaavoq. Taama pisoqarsinnaanera peersilluinnarsinnaavat imigassartunnginnikkut, naartorusullutit atortuerukkuit.

Naartulernerup siorna ileqqut peqqinnartut.


NEQEROORUT
Imigassap unitsinnissaa ajornartorsiutigigukku pingaaruteqarpoq nakorsannut juumuunnulluunniit piaarnerpaamik saaffiginninnissat, taakku ”Siusissukkut iliuuseqarnermut” peqataanissannut innersuussinnaammatsit.
”Siusissukkut iliuuseqarneq” aqqutigalugu ilinnut ilaquttannullu atornerluisuunermut katsorsartinnissamut neqeroorfigineqarsinnaavusi.


NAMMINEQ QANOQ ILIUUSEQARSINNAAVUNGA
Naartulereersimallunga imertoorpunga – taava qanoq iliussaanga?
Naartulerninni siusissukkut, immaqa naartulernerit suli paasinagu, imigassartorsimavit? Amerlanertigut tamanna naartup ineriartorneranut sunniuteqarneq ajorpoq. Pingaarnerpaavoq imigassartortarnerpit unitsinnissaa – imigassartortarneq annikitsuinnaappat naartup ajoqusersinnaanera aamma annikinnerussaaq. Kaammattuutigineqarsinnaavoq tamanna pillugu nakorsannik juumuunnilluunniit oqaloqateqarnissat.
Naartusut ilaannut imigassartortarnerup unitsinnissaa ajornakusoorsinnaavoq. ”Siusissukkut iliuuseqarneq” aqqutigalugu ilinnut ilaquttannullu atornerluisuunermut katsorsartinnissaq neqeroorutigineqarsinnaavoq, ajornakusoortikkukku imertarnerpit unitsinnissaanut ikiorneqarsinnaallutit.


QANIGISAT
Ilaqutariinnut naartusortalinnut qanigisaasutut tapersersuinissaq pingaaruteqarpoq, naartunerullu milutsitsinerullu nalaanni iminnginnissamik kissaataat ataqqillugu. Naartusoq imigassartortoq misigigussiuk aperisinnaavasi nalunnginneraat naartumut tamanna qanoq kinguneqarsinnaanersoq, kajumissaarlugillu juumuumik imaluunniit peqqinnissaqarfimmi sulisunik allanik imigassaq pillugu oqaloqatiginneqqullugit.


SAAFFIGINNINNISSAMUT PAASISSUTISSAT
• Nunap immikkoortuani napparsimmavik, Peqqissaavik imaluunniit nunaqarfimmi napparsimmaveeraq
• Juumooq/Meeqqerisoq/imaluunniit peqqinnissaqarfimmi sulisut allat
• Siusissukkut iliuuseqarneq:
”Siusissukkut iliuuseqarneq”-mi ataqatigiissaarisoq: oqarasuaat: (+299) 34 42 66 – E-mail: tidligindsats@peqqik.gl


Naartuneq
Naartuneq, ernineq, ernereernermi aamma meerartaarnissamut piareerneq

ATORTUSSANIK ALLANIK PAASINIAAFFISSAT
http://sundhedsstyrelsen.dk/publ/Publ2007/cff/Alkohol_graviditet/Alk_grav.pdf
www.hope.gl
http://sundhedsstyrelsen.dk/da/sundhed/alkohol/boernefamilier/for-gravide

 

PDF-iliariukEmbed

Allaaserisaq nittartakkannut iliguk (Embed)

"Imigassaq naartunerlu". Allaaserisaq nittartakkannut script ataaniittoq kopiissuat taavalu inissisimaffissaanut nittartakkavit html´anut ikkullugu

Luk

Nassiuguk ikinngutinnut

Uunga e-mail

Atit

Nassiussaq

Luk

Kalerriut

Allataq

Email

Luk

Allaaserisaq pisartagarileruk

E-mailit

Luk