vælg et emne
... sammisaq toqqaruk

Aasaanerani Peqqinnissaqarfiup attaveqatigiinnermut immikkoortuani ilinniarnerpit nalaani ikiortinngorit!

14-06-2017

Ilinniartuuit ? Kalaallit Nunaanni suliffeqarfiit annersaasa ilaanni suliffiup iluani avammullu attaveqatigiinnermut tunngasunik suliaqarusuppit?
Taamaappat una atuaruk!

 

Kinaavit?
Qaffasissumik ilinniagaqarputit.
Inunnik assigiinngitsunik tamanik ilinniagaqassutsikkullu
piumasaqaatinik qaffasissunik eqquutitsisumik- oqarasuaatikkut naapitsinikkullu attaveqateqarneq piginnaaneqarfigaat
Siunnerfeqarlutit sulisarputit, inoqatinut attaveqarneq
nuannarisaraat pitsaasuullutillu. Aaqqissuussamik
suleriaaseqarputit annikitsualunnullu tappisuullutit.

Suliffimmut tunngasoq
Uatsinni ilinniarnerpit nalaani ikiortitut ilinniakkatigut piginnaasatit attaveqatigiinnerup immikkoortuini arlalinni unammillerneqassapput.
Suliassatit ilaatigut makkuussapput:

  • Nittartakkamik peqqik.gl-imik aaqqissuisutut suliassat aalajangersimasut
  • Assinik toqqorsivimmik pilersitsineq
  • Peqqinnissaqarfiup immikkoortuinit tamanit uumassusilinnik- ilaatigut sulisunut paasissutisiivimmut PISUT-nut
    sulisunullu nittartakkamut allaaserisaqarneq.
  • Peqqinnissaqarfiup innuttaasut akunnerminni
    attaveqatigiiffiiniinnerani imarisassaanik suliaqarneq.
  • Uummaarissunik assiliisarneq.

Dronning Ingridip Napparsimmavissuani qullersaqarfiup allatseqarfiani nerriveqassaatit. Atorfik killeqartiparput juulimiit augusti ilanngullugu - iml. allatut isumaqatigittoqarsinnaavoq. Suliffeqarfiup iluani avataanullu attaveqatigiinneq- taamatullu immikkoortortami Photoshop Indesign-ilu atorneqarmata- naqitanittaaq/allatanittaaq ilusilersuineq misilittagaqarfigilissavat.

Qinnuteqaat
Qinnuteqaativit- ineriartornerit ilinniakkatit atorfigisimasatillu (CV) soraarummeerninnullu uppernarsaatit qarasaasiakkut sapinngisamik piaarnerpaamik kingusinnerpaamillu: 1. juuli tigunissaat qilanaaraarput. Qinnuteqaat uunga
nassiunneqassaaq: suml@peqqik.gl. Oqaloqatigiinnissanut
aggersaasarpugut.

Paasissutissat sukumiinerusut
Atorfik annertunerusumik paasisaqarfigerusukkukku attaveqatigiinnermi siunnersorti Susanne Mailand Lauridsen mailikkut: suml@peqqik.gl imal. oqarasuaatikkut 344716 attavigisinnaavat. 
 
Tusarfiginissat qilanaaraarput!